Ditë më parë në Turqi është zhvilluar anketa e radhës në lidhje me zgjedhjet e ardhshme që do të mbahen atje. Rezultatet e anketës flasin në favor të presidentit të tanishëm të Turqis, Recep Tajjip Erdogan, përcjell Gazeta Mejdani.
Këto zgjedhje kanë nxitur interesim të madh nëpër shumë vende të botës. Në SHBA janë cilësuar si njëra prej ngjarjeve më të rëndësishme në arenën ndërkombëtare në dekadat e ardhshme.
Drejtori i ‘Optimar Research’, Hilmi Daşdemir, dje ndau rezultatet e sondazhit të fundit në Turqi. Këto rezultate ai i shpalosi në kanalin televiziv ‘Haber 7’. Sipas raportit të shtruar aty, ‘Aleanca Popullore’ rritë votat e saj, ndërsa Iyi Parti dhe HDP kanë pësuar rënie.
‘Optimar Research” që kryen kërkime politike, sociale dhe të tregut, është njëra prej tri kompanive më kredibile për sondazhe dhe anketa. Në 5 zgjedhjet e fundit ajo ishte më e sakta prej të gjitha kompanive tjera të sondazheve në Turqi.
‘Optimar Research’ përfundoi anketën për zgjedhjet e përgjithshme që do të mbahen më 18 qershor 2023.
Anketa me qytetarë është zhvilluar midis datave 27 dhjetor – 1 janar.
Vlen të theksohet se sipas sondazhit të parafundit në muajin e kaluar, shpërndarja e përgjithshme e votave të partive ishte si më poshtë:
AK Parti: 39.2%
CHP: 23.9%
IYI: 10.9%
HDP: 10.8%
MHP: 8.6%
Në sondazhin e 27 dhjetorit – 1 janarit, del kjo tabllo:
AK Parti: 41.1%
CHP: 23.6%
HDP: 9.8%
IYI: 8.1%
MHP: 7.4%
Në sondazhin e mëparshëm, pjesëmarrësit në anketë u pyetën: “Për cilin emër do të votonit nëse do të kishte zgjedhje presidenciale këtë verë?” Përgjigjet ishin si më poshtë:
Rexhep Tajip Erdogan: 43.7%
Kemal Kılıçdaroğlu: 12.4%
Mansur Yavas: 10.1%
Ekrem Imamoglu: 9%
Selahattin Demirtas: 6.8%
Meral Akşener: 6%
Abdullah Gul: 2.9%
Në sondazhin e fundit në të njëjtën pyetje qytetarët kanë votuar për Erdoganin me 48.1%./Gazeta Mejdani/
