Ministri i Shëndetësisë ka treguar për masat e reja ndaj pandemisë. Ai ka njoftuar se plani do t’i ketë tri fazat ku do të bëhet hapja e ekonomisë prej 4 majit.
“Nëse do të kemi situata më pak të infektuar do të kalojmë më shpejtë, por nëse do të kemi kthim të infektuar, do të detyrohemi t’i kthejmë masat e mëparshme”, tha Vitia në një konferencë për media.
Sipas tij, 4 maji nuk është dita kur kthehemi në normalitet por dita kur duhet të kemi kujdes maksimal.
Ministri në detyrë i Shëndetësisë, Arben Vitia, në një konferencë për media tha se para 15 ditëve kanë prezantuar masat e reja.
“Masat ishin më të rënda sepse situata ishte rënduar. Por situata u përmirësua. Për herë të parë për 3 ditë radhazi numri i të shëruarve kalon atë të infektuarve. Sot jemi në gjendje t’i lehtësojmë disa masa”, tha Vitia.
Vitia tha se po punohet vazhdimisht deri të përfundojë pandemia.
“Me ardhjen e pranverës dhe ngrohjen e motit u shliruam dhe neglizhuam fuqinë e virusit, prandaj patëm rritje të numrit të të infektuarve. Jemi në një situatë ku na lejohet kufizimi i masave, por assesi të neglizhojmë rrezikshmërinë”, tha Vitia.
Hapja e kufizimit të lëvizjes do të jetë në 3 faza
FAZA 1
Ndërtimtaria dhe patundshmëria
Tregtia e automjeteve, pjesërisht
Tregtia me pakicës, pjesërisht
Riparimi i artikujve personal dhe i orendive
Zyrat e konsulencës
FAZA 2
Tregtia me pakicë
Dentistët dhe fizioterapeutët
Floktarët dhe sallonet e ondulimit
Tregu i gjelbër
Gastronomia
Transporti hekurudhor
Transporti urban dhe ndërurban
Qendrat e thirrjeve
FAZA 3
Transporti urban dhe ndërurban
Taksitë
Gastronomia
Lirohen masat po varësisht nga rekomandimet e IKSHPK-së
Kalimi nga faza e parë në të dytën, varet nga ne
“Nëse nuk kemi rritje të rasteve dhe respektojmë udhëzimet shëndetësore, atëherë ecim përpara”, tha ai.
Vitia shtoi se përkundër progresit, virusi nuk është zhdukur.
“Ai do të vazhdojë të jetë në mesin tonë. Nuk do të kemi më situatë normale. Ky s’do të jetë vit normal”, tha Vitia.
