Deklaratat e ministrit serbë, Ivica Daçiq kanë marrë vëmendjen kohëve të fundit sepse ai gjatë një debati televiziv u shpreh i nervozuar dhe kërcënoi serbët që po tregojnë vendndodhjen e këtyre varrezave.
Daçiq tha se serbët tani po flasin lloj-lloj budallallëqesh dhe po ju tregojnë shumë informata shqiptarëve dhe kroatëve, sidomos në lidhje me varrezat masive të cilat janë shqiptarët e zhdukur.
Mirëpo duke mos mjaftuar me kaq ajo që po ndodhë është edhe deklaratat e presidentit serb Aleksandar Vuçiq për thellimin e marrëdhënieve me Kinën dhe Rusinë dhe thirrjen e drejtuar Izraelit për të mos e njohur Kosovën.
Në lidhje me këtë temë, njohësi i çështjeve politike, Muhamet Kelmendi, në një prononcim për “Bota sot”, u shpreh që shkelja e marrëveshjes me shqiptarët nuk është një çështje që nuk është e ditur më herët sepse mohim të dhunës dhe terriorit ndaj shqiptarëve ka pasur gjithmonë nga shteti i Serbisë.
Kelmendi gjithashtu përmend rastet që ka pasur shkelje të shqiptarëve edhe gjatë LDB u shkel fakti i bashkimit të Kosovës dhe Shqipërisë dhe u ripushtua Kosova dhe se Serbia asnjëhere nuk është larguar nga Rusia dhe Kina. Por ajo çfarë është e çuditshme sipas Kelmendit është fakti që BE dhe Uashington po bëjnë lëshime, duke shtuar që nga marrëveshja e Uashingtonit Serbia ka ikur.
“Shkelja e marrëveshjëve me shqiptarët është çështje veç e ditur nuk ka rast që nuk i kanë shkelur. Shteti serb, jo vetëm Daçiq e Vuçiq, por të gjithë dhe gjatë tërë historisë, e kanë mohuar dhunën dhe terrorin, masat shkatërrimtare ndaj shqiptarëve dhe, në anën tjetër, kanë akuzuar shqiptarët. Nuk ka marrëveshje që nuk është shkelje nga Beogradi tash e 100 vite. U shkelën marrëveshjet gjatë kohës së pavaresisë, kundër pushtuesit otomon. U pushtuan dhe u serbizuan territore të mëdha shqiptare. Gjatë LDB u shkel fakti i bashkimit të Kosovës me Shqipërinë. Kosova u ripushtua. Vit pas viti deri tash çdo marrëveshje është shkelur. Natyrisht se Serbia kurrë nuk është larguar nga Rusia dhe Kina. E çuditshme është vetëm fakti pse BE dhe Uashingtoni i bëjnë lëshime Beogradit. Kriminelëve nuk duhet besuar. Diskutohet por nuk u besohet. Nuk duhet as Daçiqit dhe Vuçiqit me i besuar. Nga Marrëveshja e Uashingtonit Serbia ka ikur”, u shpreh Kelmendi.
Tutje, njohësi i çështjeve politike thotë që këto deklarata të Daçiqit dhe Vuçiqit janë vetëm disa nga vperimet drastike të tyre e që priten edhe veprime të tjera. Por që me këto duhet të merret Uashingtoni sepse ajo është garant i temave të bëra në Uashington.
Serbia do të paraqesin ndarjen e Kosovës apo Asociacionin si fakt tjera për bisedime për këtë arsyje sipas Kelmendit Kosova duhet të përgatitet dhe të i paraqet temat që Serbia të ngarkohet nga Kosova me dëmet e luftës, me përgjegjësi penale, me gjetjen e të humburëve dhe njohje të shtetit, ndryshe nuk mund të ketë paqe.
“Shteti kriminal serb nuk pranon asnjë pikë veç atyre që u intereson. Edhe deklaratat drejtuar Izraelit për mosnjohje të Kosovës është një shembull tjetër i kriminelëve Vuçiq-Daçiq. Priten edhe veprime tjera më drastike. Për këto duhet të merret edhe Uashingtoni. SHBA është garant i temave të bëra dhe nga Uashingtoni kërkohen masa ndaj Serbisë. Serbia do të paraqesin ndarjen e Kosovës apo Asociacionin si fakt tjera për bisedime. Këtej i duhet Kosovës të përgatitet dhe të i paraqet temat që janë domethënëse për paqen në Ballkan. Kjo nuk del nga Minishengeni, asociacioni apo masat tjera kriminale serbe. Serbia duhet të ngarkohet nga Kosova me dëmet e luftës, me përgjegjësi penale, me gjetjen e të humburëve dhe njohje të shtetit. Pa këto tema nuk ka pse shkon Kosova në bisedime. Këto e garantojnë paqen”, përfundoi Kelmendi për “Bota sot”.
