“Kemi 4 zyrtarë policie të qëlluar me armë zjarri”, bëri të ditur Departamenti i Policisë St. Louis në Twitter
Së paku 4 zyrtarë policie në shtetin Missouri të SHBA-ve sot herët në mëngjes u plagosën nga të shtënat me armë zjarri gjatë protestave kundër vdekjes së afroamerikanit, George Floyd, transmeton Anadolu Agency (AA).
“Kemi 4 zyrtarë policie të qëlluar me armë zjarri”, bëri të ditur Departamenti i Policisë St.Louis në Twitter.
“Të gjithë janë transportuar në spital të zonës. Të gjithë janë në vetëdije dhe marrin frymë. Lëndimet e tyre besohet të jenë jo të rrezikshme për jetën”, tha Departamenti i policisë.
Shefi i policisë John W. Hayden më vonë u tha gazetarëve se dy prej zyrtarëve u qëlluan në këmbë, duke i quajtur lëndimet jo kërcënuese mbi jetën si “bekimi i ditës”.
Duke thënë se identiteti i i atij apo atyre që kanë hapur zjarr është i panjohur, Hayden tha: “Besoj se disa frikacakë qëlluan në vijën e policisë”.
“Vdekja e Z. Floyd është tragjike. A mund të nxjerrim mësim nga kjo?”, shtoi ai.
