Kryetari i Kuvendit të Serbisë, Ivica Daçiq, deklaroi sot se përgjimi i presidentit serb, Aleksandar Vuçiq, së bashku me “logjistikën e sistemit”, është një grusht shteti.
“Hollimi i çështjes do të ishte një amnisti nga kjo. Nuk është e mundur që më shumë se 1,500 përgjime të jenë aksidentale. Sistemi do duhej ta paralajmëronte Vuçiqin për këtë”, tha Daçiq në TV Happy, duke deklaruar se duhet të zbulohet se kush vendos për përgjimi.
Sipas tij, tani disa politikanë dhe figura publike po përpiqen ta relativizojnë çështjen, duke pretenduar se Vuçiq nuk ishte përgjuar.
Kur u pyet për grupin kriminal të Veljko Belivuk, Daçiq gjithashtu tha se duhet të hetohet deri në fund, domethënë deri ku ishin shtrirë lidhjet e tyre.
Siç tha ai, mafia është gjithmonë në kërkim të logjistikës nga ata nga të cilët varet.
“Një pjesë e sistemit gjithmonë mund të mendojë – se ata janë të përhershëm dhe presidentët dhe kryeministrat janë të përkohshëm”, tha Daçiq.
