Sekretet e zbuluara në “Shpellën e Ujkut” të Hitlerit!

Pas gërmimeve disajavëshe të ish-selisë së liderit nazist Adolf Hitler në Frontin Lindor në Poloni, u gjetën disa objekte, duke përfshirë një çakmak akoma në veprim.

Selia famëkeqe naziste e quajtur si “Shpella e Ujkut” ka mbetur kryesisht e paprekur qëkur Hitleri e la atë në 1944.

Objektet e zbuluara përfshijnë, ndër të tjera, krehër, vegla roje, furça dhëmbësh, etj., të mbetura në këtë kompleks ushtarak që ndodhen në një pyll.

Ndër artefaktet e gjetura ishte një çakmak që, për habi ka rezultuar funksional edhe pas 75 vjetësh.

Zenon Pyotrovich, menaxher i përgjithshëm i sitit historik, tregon se çdo zbulim i ri është i vlefshëm sepse tregon se si funksionoi ky sistem kompleks gjatë luftës.

Për shembull, historianët kanë gjetur një pjatë që lexonte “dyqan berberi”.

“Shpella e Ujkut” ishte gjithashtu fortesa në të cilën koloneli Claus von Stauffenberg u përpoq të vriste Hitlerin në 1944.

“Shpella e Ujkut” u hap për vizitorët në fillim të viteve 1990.