Presidenti Hashim Thaçi të hënën ka qënduar në Shtëpinë e Bardhë, i cili ka zhvilluar një takim me me Presidentin e Serbisë, Aleksandër Vuçiq, me emisarit special për dialogun ndërmjet Kosovës dhe Serbisë, Richard Grenell, ku i pranishëm ishte edhe Këshilltari për Siguri Kombëtare, Robert O’Brien.
Me tu kthyer nga atje, Thaçi ka kërkuar që t’i mundësohet raportimi në Kuvendin e Republikës së Kosovës, për t’i njoftuar deputetët dhe qytetarët përkëto takime, shkruan IndeksOnline.
Madje, presidenti Thaçi iu është drejtuar edhe me një shkresë zyrtare në Kuvendin e Kosovës, i cili ka kërkuar t’i organizohet një seancë më 4 mars.
Por siç duket, nga Kuvendi është neglizhuar kjo kërkesë.
I pari i Kosovës në shkresë ka theksuar që të raportoj në ora 16:00, në foltoren e Kuvendit, transmeton IndeksOnline.
Kjo pasiqë ende nuk ka ndonjë njofim për mbajtje të seancës apo se kur do të organizohet një e tillë.
Në kalendarin e aktiviteteve për të mërkurën, në faqen e Kuvendit të Republikës së Kosovës, nuk figron se sot do të ketë ndonjë seancë.
Sipas njoftimit, duke filluar nga ora 10:00 do të mbahen mbledhje të ndryshme të komisioneve.
“Komisioni për Buxhet dhe Transfere, Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, Komisioni për të Drejtat e Njeriut, Barazi Gjinore, për Persona të Pagjetur dhe Peticione, Komisioni për Punë të Jashtme dhe Diasporë”, thuhet në njoftim.
Thaçi, përmes një shkrimi të publikuar dje në Facebook, është shprehur i gatshëm të raportojë në Kuvend në lidhje me takimet e realizuara me zyrtarët e Administratës Trump, dhe atë me Vuçiç./IndeksOnline/
