Christian Salaroli është një nga mjekët italianë që është në vijën e parë në luftën kundër përhapjes së coronavirusit, i cili tashmë ua ka marrë jetën 631 njerëzve dhe ka infektuar mbi 10 mijë të tjerë Itali.
Salaroli, një anesteziolog në spitalin Papa Giovanni XXIII në Bergamo (veri), një nga vendeet ku është përhapur më së shumti epidemia i tha Corriere della Sera në një intervistë, se si është lufta kundër sëmundjes. Fjalët e tij ishin të qarta: “Ju nuk mund ta imagjinoni se çfarë po ndodh këtu, është situatë si kohë lufte”.
Salaroli foli për procedurën që ndjekin me pacientët e infektuar nga COVID-19. Hapi i parë është kontrolli i frymëmarrjes në një dhomë të veçantë. Të gjithë të tjerët më pak të sëmurë, dërgohen në shtëpitë e tyre që t’i përmbahen këshillave të mjekëve, transmeton Telegrafi.
“Vendimi për kë të bëhet kujdes të shtuar merret brenda dy ditëve më së shumti. “Meqenëse për fat të keq ka një disproporcion midis burimeve spitalore, shtretërve të kujdesit intensiv dhe personave me sëmundje kritike, jo të gjithë kanë kujdes të shtuar”, tha Salaroli .
Specialistët në fillim vlerësojnë me vëmendje të veçantë “pacientët me sëmundje të rënda kardio dhe njerëzit me sëmundje të rëndë koronare, sepse ata mund të mos i mbijetojnë fazës së mëvonshme kritike”, tha Salaroli.
Një problem tjetër është se mjekët janë të mbingarkuar me punë.
“Shumë kolegë të mi vuajnë nga kjo situatë. Nuk është vetëm ngarkesa e punës, por edhe ana emocionale, që është shkatërruese. Pashë infermierë duke qarë me tridhjetë vjet përvojë. Ju nuk e dini se çfarë po ndodh në spitale”, vazhdoi mjeku.
Salaroli foli gjithashtu edhe për ata që po i injorojnë thirrjet e doktorëve.
“Qëndroni në shtëpi”, theksoi ai .
“Asnjëherë nuk lodhem ta përsëris atë. Shoh shumë njerëz në rrugë. Përgjigja më e mirë për këtë virus është të qëndroni në shtëpi. Ju nuk mund të imagjinoni se çfarë po ndodh këtu”, përfundoi doktori italian./Telegrafi/
