Dje presidenti i Serbisë Aleksandar Vuçiq i është drejtuar qytetarëve të Serbisë me këto fjalë: Dua t’u tregoj njerëzve diçka që nuk e dinë. Turqia e ka armatosur seriozisht FSK-në…Turqia u ka dhënë raketa anti-tank, dronë Bajraktarë, topa me rreze të gjatë. Këto i ka FSK-sot”, shkruan Gazeta Mejdani
Përveç tjerash, ai ka shtuar: FSK-ja nuk duhet të ekzistojë, por atyre, Perëndimit dhe Turqisë, nuk u intereson shumë. Fort u intereson atyre për të drejtën ndërkombëtare. E drejta ndërkombëtare janë ata, ky është ligji i më të fortëve. Prishtina po krijon ushtrinë e saj, e cila nuk guxon të ekzistojë dhe e arsyetojnë duke thënë se Kosova është e pavarur, sepse të gjithë e kanë njohur, me të drejtën e më të fortit, të nxjerrë nga agresioni ilegal kundër RFJ-së”.
Ndërsa sot, Dritan Abazoviq ka shtuar: Turqia është bërë një “vend kyç” në Ballkanin Perëndimor dhe roli i saj ndërmjetësues midis Serbisë dhe Kosovës është shumë i rëndësishëm, tha kryeministri i Malit të Zi, Dritan Abazoviq.
“Presidenti (Recep Tayyip) Erdoğan është një lider që mund të bindë palët e tensionuara në Ballkan që të vijnë në tryezë dhe të gjejnë zgjidhje të qëndrueshme për problemet në rajon. Unë mendoj se roli ndërmjetësues i Turqisë në tensionet midis Serbisë dhe Kosovës është shumë i rëndësishëm”, tha Abazoviq për Anadolu në kuadër të Forumit Rinor të Bashkëpunimit Islam në Stamboll.
Si një “superfuqi”, Turqia mban marrëdhënie miqësore me gjithë botën, tha ai, duke shtuar se të gjithë hapat që do të ndërmarrë Turqia në diplomacinë globale janë të vlefshme si për vendet e rajonit, ashtu edhe për Ballkanin.
“Shpresoj se presidenti Erdoğan do të përfshihet më shumë në problemet në Ballkan. Kjo është jashtëzakonisht e rëndësishme për sigurimin e paqes dhe stabilitetit në rajon”, shtoi ai.
Ai tha se Turqia ka filluar të luajë një rol efektiv në Ballkan po aq sa në BE-ja dhe SHBA-ja.
Duke kujtuar se Turqia ishte një nga vendet e para që njohu Malin e Zi pas fitimit të pavarësisë në vitin 2006, ai tha se marrëdhëniet midis vendeve kanë përparuar që atëherë.
Ai tha se fluturimet direkte midis vendeve jo vetëm që do të kontribuojnë në turizëm, por gjithashtu do të ofrojnë lehtësi për kompanitë turke dhe afaristët që duan të bëjnë biznes në Mal të Zi.
Në ndërkohë, presidenti i Serbisë, Aleksandar Vuçiq ka folur për Forcën e Sigurisë së Kosovës, ku ka thënë se ushtria e Kosovës po armatoset “gjithnjë e më shumë”.
Ai u ankua për mbështetjen turke dhe “armatimin serioz” që po ia sigurojnë Forcës së Sigurisë së Kosovës, për të cilën tha se “është kundër të drejtës ndërkombëtare.
“Ne refuzuam të blejmë bajraktarë sepse ata ia dhanë Prishtinës. Nuk do të bashkëpunojmë më me ta në këtë. Dronët kinezë, CH-90, na kanë ardhur kohëve të fundit. Brenda pesë muajsh, do të kemi 1 mijë dronë kamikazë që i kemi porositur nga Lindja e Mesme, për të parandaluar një agresor potencial”, ka thënë Vuçiq.
“(Kryeministri i Kosovës, Albin) Kurti dëshiron të na ngrejë në luftë dhe ai nuk do të ndalet”, ka thënë Vuçiq, duke shtuar se “edhe aktorët kyç perëndimorë e dinë që ai është fajtori”.
Vuçiq madje tha për Kurtin se ai “është enverist, marksist dhe anarkist” dhe se “ai dëshiron gjithçka që unë dua ta shmang”.
“Kurti nuk do ta formojë Asociacionin, as në një mënyrë e as në një tjetër. Ai e di që Asociacioni duhet të jetë në pajtim me parimet e nënshkruara nga unë dhe Isa Mustafa. Nuk pranon asnjë parim. Ai dëshiron të nga ngrejë në luftë. Sepse dëshiron të jetë lider lufte. Është enverist, marksist dhe anarkist. Gjithçka që unë dua të shmang, ai e dëshiron ta bëjë. Dhe tash dëshiron të nga ngrejë në konflikt me NATO-s. Janë tejet të kënaqur që turqit kanë arritur”, ka thënë Vuçiq.
Presidenti i Serbisë madje mes tjerash thotë se Ushtria e Serbisë është “shumë më e madhe” se Forca e Sigurisë së Kosovës “por po armatosen, në rend të parë përmes mjeteve turke”.
