Kështu është shprehur politologu i njohur shqiptar, Bardhyl Mahmuti.
Në një shkrim të tij, ai ka shtruar edhe këtë pyetje: “Imagjinoni se çfarë do të ndodhte nëse tifozët kroat apo ata shqiptarë do të brohorisnin, për shembull, një mesazh të kësaj natyre: Ubi srbina, da rusin nema sina! (Vraje serbin, që rusi të mos ketë djalë)!
Reagimi i politologut Mahmuti vjen pas gjithë asaj që u pa në ndeshjen e futbollit midis Zvicrës dhe Serbisë. Ndeshje kjo ku Xherdan Shaqiri dhe Granit Xhaka u bënë dy emrat kryesorë për fitoren e Zvicrës karshi Serbisë.
Për më tepër, më poshtë gjeni shkrimin e plotë të Bardhyl Mahmutit:
Ubi srbina, da rusin nema sina!
(Vraje serbin, që rusi të mos ketë djalë)!
Indiferenca ndaj kërkesave serbe për gjenocid inkurajon përsëritjen e krimeve!
Jo vetëm në tribunat e stadiumeve në Serbi, por edhe në tribunat e stadiumeve në shteteve ku mbahet kampionati botëror i futbollit, publiku serbe brohoret njëzëri:
Ubi! Zakoli! Dok šiptar ne postoji!
(Vra ! Ther ! Derisa të mos ketë më shqiptarë!)
dhe
Ubi hrvata, da šiptar nema brata!
(Vraje kroatin që shqiptarë të mos ketë vëlla!
Kërkesat e hapëta serbe për gjenocid kundër shqiptarëve dhe kroatëve janë pasqyrë e frymës politike në të cilën ata janë edukuar! Mirëpo nëse nuk harrojmë se pikërisht njerëzit e kësaj logjike kanë kryer gjenocid kundër boshnjakëve, kroatëve dhe shqiptarëve gjatë luftërave që e shoqëruan shpërbërjen e Federatës së Jugosllavisë, atëherë është për t’u brengosur kur sheh me çfarë indiference sillen institucionet politike, kulturore dhe sportive kombëtare dhe ndërkombëtare.
Imagjinoni se çfarë do të ndodhte nëse tifozët kroat apo ata shqiptarë do të brohorisnin, për shembull, një mesazh të kësaj natyre:
Ubi srbina, da rusin nema sina!
(Vraje serbin, që rusi të mos ketë djalë)!
Kam bindjen e plotë se jo vetëm në strukturat drejtuese të FIFA-s, por kjo çështje do të ishte ngritur edhe në Këshillin e Sigurimit në OKB!