Ditëve të fundit është përfolur shumë se Behgjet Pacolli po kërkon para nga Kosova. Por, thotë ai, Mabetex nuk i do paratë e Kosovës, por ato që ja kanë rrëmbyer grupet mafioze në Kosovë.
Për më tepër, kryetari i AKR-së dhe njëherësh biznesmeni Behgjet Pacolli ka reaguar ndaj mediave për lajmet se ai po kërkon miliona euro nga Kosova.
Pacolli thotë se firma e tij, Mabetex vetëm po kërkon paratë që i janë rrëmbyer padrejtësisht, shkruan arbresh.info.
“Në median kosovare lexova se “Pacolli në arbitrazh kërkon miliona Eu nga Kosova”. Kjo nuk është krejtësishte ashtu, Mabetexi kërkon vetëm këthimin e mjeteve të veta. Në asnjë rast nuk është pretenduar as nga Pacolli ose dikush që ka lidhje me të që Kosova ti paguan diçka. Në arbitrazh, Mabetex në Lugano kërkon vetëm kthimin e 6 milion Eurove që i’u janë rrëmbyer padrejtësisht nga grupet mafioze të Kosovës, grupe këto që kishin depërtuar në institucionet e Kosovës. Sidoqoftë, nuk bëhet fjalë për paratë e Kosovës por për paratë e veta, të kompanisë që grupet mafioze në Kosovë i kanë rrëmbyer padrejtësishtë”, shkruan ai.
Hotel Grandin e kishte blerë Mabco (Mabetex) e më pas i ishte anuluar ky privatizim.
