Kryeministri Rama mblodhi ambasadorët e akredituar në Shqipëri, ku përveç ndihmës financiare, si dhe ekspertëve për vlerësimin e banesave, kërkoi nga ata dhe ndihmë në hetime mbi atë çfarë ka ndodhur.
Në këtë pikë, ai përmendi dhe mundësinë e dërgimit të ndonjë dosjeje në SPAK.
“Do ta vlerësonim shumë nëse secili prej jush do të na mbështesë për të na ndihmuar në hetimet administrative që janë përgjegjësia jonë. Me njerëz që na ndihmojnë me hetim administrativ dhe pastaj mund të kthehet në hetim penal. Nëse kemi faktet ia paraqesim SPAK dhe pastaj ai do të vendos”, tha Rama.
Shefi i qeverisë bëri me dije se ka kërkuar ndihmë deri te Tramp.
“I kam shkuar një letër presidentit Trump, e nënshkrova sot. Jemi shpresëplotë. Kam ndjesinë që nëse punojmë fort dhe mençur së bashku kjo krizë shumë shumë e thellë mund të shndërrohet në një moment të jashtëzakonshëm për vendin për rindërtimin e tij, e përcjell vërtetë, një epokë të re për Shqipërinë në shumë aspekte”, theksoi Rama.
Nga ana tjetër, ai kritioi qasjet fatale të media, duke kërkuar ndihmë dhe prej tyre.
Shpresoj që do të na ndihmoni, sepse njerëzit dëgjojnë lloj-lloj çmendurie. Gazetarët shkojnë pas cdo të çarje, ka mes tyre edhe sharlatanë dhe shkencëtarë që flasin për fundin e botës. Botës nuk po i vjen fundi, flasim për budallëqe si për Romën e Lashtë, që Durrës u përmbyt dhe do të përmbytet. Jo, Durrësi do të bëhet i madh përsëri”, tha ai./Gazeta Mejdani/
Discussion about this post