Kryeministri i Shqipërisë, Edi Rama ka folur për protestën e paralajmëruar të Vetëvendosjes në Shqipëri në 28 Nëntorin e këtij viti në Shqipëri, ku përmes një marshi do të u kërkohet reflektim shqiptarëve, për bashkim të dy shteteve.
Rama ka tërhequr një paralele kur është pyetur për këtë duke thënë, se sa absurde duket kjo protestë, shihet vetëm nëse paramendohet organizimi i një proteste të ngjashme në Kosovë nga ana e Partisë Socialiste, në ditën e pavarësisë së saj.
“Paramendojeni se si do të reagonin qytetarët e Kosovës, sikur Partia Socialiste, një degë e saj me aprovimin e kryesisë dhe kryetarit të vendosnin të protestonin në Kosovë në datën e pavarësisë së saj, dhe të thuhet se nuk është koha për të festuar, por koha për të reflektuar. E me këtë rast të bëj një fletërrufe që është nxjerrë nga printerat e opozitës me qeverinë e Kosovës. Cfarë do të mendonin njerëzit në Kosovë, cfarë do të ishte kjo në raport me pretendimin për politikë të jashtme të unifikuar, dhe për strategji të përbashkët e bashkëpunim”, ka thënë Rama.
Kryeministri shqiptar, thotë se Kurti do të ndryshojë posa të futet në zyrën e kryeministrit, pasi ende sipas tij nuk është në dijeni se cfarë do të thotë puna e shefit të qeverisë. “Megjithatë unë e konsiderojë një lajthitje në një proces tranzicioni nga opozita në qeverisje, në një vakum ku kam qenë edhe vetë dhe e kam shumë mirë parasysh se duhet njëfar kohe për t’u bërë kryeministër, sepse kryeministër zgjidhesh ditën kur të votojnë, por fillon dhe bëhesh ditën kur fillon punën në zyrë”, ka thënë Rama. /reporteri
Discussion about this post