Kryeministri shqiptar Edi Rama do të zhvillojë nesër një vizitë zyrtare në Romë. Ai do të takohet me homologun e tij italian Giuseppe Conte, i cili vetëm pak javë më parë ishte për vizitë në Shqipëri.
Në Tiranë Conte u shpreh pro hapjes së bisedimeve për Shqipërinë, por fatkeqësisht disa ditë më pas kjo nuk ndodhi. Kryeministri Conte e cilësoi një gabim historik këtë vendim.
“Duhet të gjejmë mënyrat, të korrigjojmë këtë gabim historik me këto dy vende, popujt e të cilëve nuk duhen dekurajuar”, ka thwnw COnte.
Takimi i nesërm Conte-Rama do të fokusohet dhe në marrëdhëniet mes dy vendeve e në veçanti mbi mundësinë e shtimit të investimeve italiane në Shqipëri.
Vizita e fundit zyrtare e kryeministrit Rama në Romë u zhvillua në tetor të 2017 në kohën e qeverisjes së kryeministrit Paolo Gentiloni./TCh/
Discussion about this post