Gazeta izraelite “The Jerusalem Post” ka publikuar një propagandë se Serbia nuk do ta lëvizë Ambasadën në Jerulazem në rast se Izraeli e njeh shtetësinë e Kosovës, shkruan indeksonline.
Ky mediumi pretendon se është bazuar tek një burim i afërt me presidentin serb, Aleksandar Vuçiq, transmeton Indeksonline.
“Serbia nuk do ta zhvendosë ambasadën e saj në Jeruzalem nëse Izraeli e njeh Kosovën si një vend të pavarur”, ka thënë burimi, i cili supozon se ka njohuri të afërta të marrëveshjeve të nënshkruara në Uashington.
Ndryshe, kryeministrit i Izraelit, Benjamin Netanyahu-t, deklaroi para disa ditësh se pas marrëveshjes në Shtëpinë e Bardhë, Kosova do të jetë “shteti i parë me shumicë myslimane që hap ambasadë në Jeruzalem”.
“Siç kam thënë në ditët e fundit, rrethi i paqes dhe i njohjes së Izraelit po zgjerohet, dhe shtete të tjera pritet t’i bashkohen atij”, është shprehur ai.
Njohja reciproke Kosovë-Izrael vjen pas ndërmjetësimit të Shteteve të Bashkuara të Amerikës. /Indeksonline/
