“Këtë situatë krize na e tregon edhe gjendja në vitin 2014 kur kishim rastin VLAN-i që kishin shumicën, por që nuk u lejua formimi i Qeverisë.
Dihet që pastaj çështja vazhdoj për 6 muaj dhe nuk u lejua të formohet Qeveria nga koalicioni VLAN. Dhënia e mandatit VV, ka për qëllim me e tejkaluar këtë subjekt, dhe pastaj për të shkuar tek LDK e cila me lejim të PDK-së dhe në bashkëpunim me subjektet tjera parlamentare të krijon një Qeveri. Kjo edhe do të ndodhi, por çështja shtrohet se çka mbetet më pastaj. Mbetet që me një padi të vendosi Gjykata Kushtetuese. E si do të vendosi kjo Gjykatë për mua është e qartë, do të refuzohet padia në bazën të gjendjes së rëndë që ekziston në Kosovë. Kështu kapet shteti. Bëhet Presidenti monark dhe vazhdohet për sa kohë gjendja është kështu”, thotë Muhamet Kelmendi për “Kosova Sot Online”.
Pas takimeve konsultative, që i ka zhvilluar me përfaqësuesit e të gjitha partive politike, pas votimit të mocionit të mosbesimit ndaj Qeverisë Kurti në Kuvendin e Kosovës, presidenti Hashim Thaçi ka vendosur që të bëjë përpjekje për krijimin e një qeverie të re, dhe përjashtuar opsionin ligjor e kushtetues të shpërbërjes së kuvendit, për të shpallë zgjedhjet e reja të jashtëzakonshme, sikur që e para sheh akti më i lartë juridik i vendit, Kushtetuta e Republikës së Kosovës.
Ndaj këtij skenari të akorduar me shumicën e partive politike, përveç VV-s që është parti fituese e zgjedhjeve të 6 tetorit 2019, ka reaguar profesori i së drejtës Muhamet Kelmendi, sipas të cilit kjo qasje e Presidentit është tërësisht antikushtetuese dhe ai këtë po e bënë me vetëdije të plotë, pasi e ka siguruar ndikimin edhe në Gjykatën Kushtetuese kështu që në rast ankese nga LVV-ja, do të merr interpretim në favorin e tij. Kushti sipas Kelemdni, Thaçi nga pozita e presidentit në një republikë parlamentare, do të merr pozitën e një monarku.
“Z. Thaci ka zgjedhur rrugën që nuk ka përcaktim kushtetues dhe nuk ka bazë juridike. Në normat kushtetuese është përcaktuar një dyanshmëri e vendimeve në ndërtimin e Qeverisë. Në nenin 95, paragrafi 5, qëndron: “Nëse Kryeministri jep dorëheqje ose për arsye të tjera, posti i tij/saj mbetet i lirë, Qeveria bie, dhe Presidenti i Republikës së Kosovës, në konsultim me partitë politike ose koalicionin që ka fituar shumicën në Kuvend, mandaton kandidatin e ri për të formuar Qeverinë”. Kjo bazë ligjore nuk ekziston, sikundër as baza ligjore sipas paragrafit 4 të Kushtetutës. Nuk kemi dorëheqje as ndonjë arsye tjetër. Kemi mocion për të cilin kanë votuar mbi 80 deputete dhe natyrisht se këtu vjen në shprehje neni 82. 2 i Kushtetutës. Baza tjetër është gjendja e rëndë e cila nuk provon juridikisht mundësinë e krijimit të një Qeverie të gjerë. Askund nuk kemi normë juridike, e cila i jep të drejtë Presidentit, që mandatin t’ia kalon subjekteve të tjera në renditje. As në nenin 95, as në nenin 82.2 as në ndonjë nen tjetër të Kushtetutës nuk ka norma. Neni 100 i Kushtetutës fletë për mocionin e votëbesimit dhe me votim e konsideron Qeverinë si subjekt në dorëheqje”, thotë profesor Muhamet Kelmendi për “Kosova Sot Online”.
Madje sipas Muhamed Kelemdni, as në kushtet e gjendjes së jashtëzakonshme të bërjes së një Qeverie transitore, presidenti me kushtetutë nuk ka autorizime që formimin e qeverisë së re, pas votimit të mocionit në Kuvend, ta kalon tek një subjekt tjetër politik parlamentar. “As shpallja e Gjendjes se Jashtëzakonshme sipas nenit 131 nuk përcakton kalimin në radhët e subjekteve tjera politike. Duhet thëne se mendimet për një Qeveri të krijuar nga subjektet tjera kanë karakter politike, pa baze juridike dhe, mund të krijohet vetëm me marrëveshje politike, pa kundërshtim. Në të kundërtën duhet shkuar në zgjedhje të reja”, thotë profesor Kelmendi për “Kosova Sot Online”.
Nëse Hashim Thaçi e zbaton këtë projekt të filluar mbrapsht, me rrugë kundër kushtetuese, sipas profesor Kelmendit, gjendja politike dhe institucionale do të futet në një krizë akoma më të thellë, duke nxjerr në skenë përsëri rastin e koalicionit VLAN në vitin 2014, i cili u zgjidh vetëm pasi ndërhyri Gjykata Kushtetuese, duke i dhënë mandatit për kryeministër përsëri partisë së parë fituese dhe dike mos lejuar asnjë variant tjetër, përpos dështimit dhe shkuarjes në zgjedhje të reja. Sido qoftë ai thotë se në këtë rast, thirrja e Presidentit ndaj VV-së që të ja jep mandatin për formimin e një qeverie të re është me hile sepse paraprakisht janë marr vesh të gjitha partitë politike që ta izolojnë LVV-në , të ja pamundësojnë krijimin e Qeverisë, dhe më pas Presidenti ta kalon mandatin tek një subjekt tjetër politik, në këtë rast tek LDK-ja.
“Këtë situatë krize na e tregon edhe gjendja në vitin 2014 kur kishim rastin VLAN-i që kishin shumicën, por që nuk u lejua formimi i Qeverisë. Dihet që pastaj çështja vazhdoj për 6 muaj dhe nuk u lejua të formohet Qeveria nga koalicioni VLAN. Dhënia e mandatit VV, ka për qëllim me e tejkaluar këtë subjekt, dhe pastaj për të shkuar tek LDK e cila me lejim të PDK-së dhe në bashkëpunim me subjektet tjera parlamentare të krijon një Qeveri. Kjo edhe do të ndodhi, por çështja shtrohet se çka mbetet më pastaj. Mbetet që me një padi të vendosi Gjykata Kushtetuese. E si do të vendosi kjo Gjykatë për mua është e qartë, do të refuzohet padia në bazën të gjendjes së rëndë që ekziston në Kosovë. Kështu kapet shteti. Bëhet Presidenti monark dhe vazhdohet për sa kohë gjendja është kështu”, thotë Muhamet Kelmendi për “Kosova Sot Online”.
