Presidenti i Shteteve të Bashkuara të Amerikës, Donald Trump ka deklaruar se lidhjet mes shtetit amerikan dhe Kosovës do të forcohen akoma.
Trump ka shkruar se mezi pret të forcojë partneritet mes dy kombeve, Kosovës dhe Shteteve të Bashkuara të Amerikës.
Ai po ashtu ka shprehur urimet më të mira për popullin e Kosovës.
“E vlerësoj dhe e ndaj zotimin tuaj të palëkundur për të siguruar stabilitetin dhe paqen në Ballkan dhe në botë. Unë mezi pres të vazhdojmë të forcojmë partneritetin midis kombeve tona dhe u dërgoj urimet e mia më të mira për ju dhe popullin e Kosovës”, shkroi Trump në letrën e dërguar kryeministrit Hoti.
Hoti e ka falënderuar presidentin amerikan për përkushtimin për paqe në Ballkanin Perëndimor.
“Faleminderit President Donald Trump për kujdesin dhe përkushtimin tuaj për paqe e siguri në Ballkanin Perëndimor dhe në botë. Të rrojë gjatë miqësia Kosovë– ShBA”, ka shkruar kryeministri.
