“Interpretimet e ndryshme dhe jo adekuate të normave Kushtetuese e kanë dërguar vendin në një gjendje shumë të rëndë. Ndonëse normat kushtetuese janë të qarta dhe këtej kemi edhe verdiktin e Gjykatës Kushtetuese, përsëri Presidenti, në emër të ruajtjes së unitetit dhe të funksionimit të pushtetit, po vepron kundër këtij parimi themelor kushtetues. Në fakt është bërë Presidenti faktori kryesor i destabilizimit të vendit. Duhet ta kuptoj Presidenti detyrën e vetë. Nuk ka mundësi kushtetuese kalimi i mandatarit te partitë tjera politike, as te LDK, as te PDK e kështu me radhë”, thotë Muhamet Kelmendi për “Kosova Sot Online”.
Presidenti Hashim Thaçi, përmes një letre të radhës, i është drejtuar rishtas kreut të Vetëvendosjes, Albin Kurtit, duke i ka kërkuar sërish që ta propozojë kandidatin e ri për kryeministër për ta formuar Qeverinë e re, pas mocionit të mosbesimit që rezultoi me rrëzimin e Qeverisë, derisa kryeministri në detyrë Kurti po deklaron vazhdimisht se nuk është koha e të menduarit për mandatar të ri dhe ndërprerje të punës ë Qeverisë në këtë kohë pandemie. Për më tepër, Presidenti ka thënë ditë më parë se për të mos shkuar përsëri vendi në zgjedhje të reja, ai do të ja jap mandatin për formimin e Qeverisë së re cilit do subjekt politik parlamentar që e dëshmon se ka arritur ta krijon shumicën e mjaftueshme në Kuvend, nëse subjektet politike nuk pajtohen për qeveri gjithëpërfshirëse. Sipas profesorit të së drejtës, Muhamet Kelmendi, kjo formë veprimi është devijim skandaloz i Presidentit nga normat kushtetuese të cilat ai i interpreton sipas kohës dhe interesit të grupeve të caktuara politike. Ndryshe, Kelmendi kujton se sipas interpretimit te Gjykatës Kushtetuese, nga rasti i krizës së formimit të Qeverisë dhe koalicionit pas zgjedhor të VLAN-it të vitit 2014, Gjykata Kushtetuese e ka dhënë opinionin e vetë sipas të cilit vetëm partia e parë fituese ka të drejtë dhe mundë ta formon Qeverinë, dhe ky mandat nuk mundë të tjetërsohet dhe të transferohet tek subjektet tjera politike, por duhet të shpërbëhet Kuvendi dhe të shpallen zgjedhjet e reja. Sipas Kelmendit ky skenar që po përgatitet pas rrëzimit të Qeverisë Kurti dhe nuk po shpërbëhet Kuvendi për ta quar vendin në zgjedhje të reja, sikur që ka ndodhë në të kaluarën është një lloj i “grusht shtetit” të llojit të vetë të pa parë ndonjëherë që po ndodhë në Kosovë, e që nuk është paraparë as me zgjidhje Kushtetuese, e që mundë të rrezikon ta destabilizon vendin me përmasa të rrezikshme për interesat e Hashim Thaçit dhe të Isa Mustafës, përmes interpretimit të Kushtetutës sipas dëshirës dhe interesit që kanë ata.
“Interpretimet e ndryshme dhe jo adekuate të normave Kushtetuese e kanë dërguar vendin në një gjendje shumë të rëndë. Ndonëse normat kushtetuese janë të qarta dhe këtej kemi edhe verdiktin e Gjykatës Kushtetuese, përsëri Presidenti, në emër të ruajtjes së unitetit dhe të funksionimit të pushtetit, po vepron kundër këtij parimi themelor kushtetues. Në fakt është bërë Presidenti faktori kryesor i destabilizimit të vendit. Duhet ta kuptoj Presidenti detyrën e vetë. Nuk ka mundësi kushtetuese kalimi i mandatarit te partitë tjera politike, as te LDK, as te PDK e kështu me radhë”, thotë Muhamet Kelmendi për “Kosova Sot Online”.
Edhe pse normat kushtetuese janë tepër të qarta, sipas profesorit të së drejtës, ato po lakohen e po interpretohet sipas dëshirës kështu që subjektet politike që nuk e fituan shumicën në zgjedhjet e 6 tetorit 2019, kanë marr sinjale të qarta nga i pari i shtetit, që të përgatitën për ta marr mandatin qeverisës, pas rrëzimit të Qeverisë Kurti, sepse partia e parë fituese e zgjedhjeve është sigurt që nuk do të arrij ta bëjë këtë. “Presidenti me partitë politike që nuk i fituan zgjedhjet po punojnë për të ndërtuar Qeveri jashtë normave kushtetuese. Pse z. Thaçi nuk i drejtohet Gjykatës Kushtetuese për të marr paraprakisht veridiktin për gjendjen. Në fakt z. Thaçi e ka aktgjykimin e vitit 2014. E din mirë se duhet të shpërndaj Kuvendin dhe të shkon vendi në zgjedhje të reja.
Në fakt, juridikisht dihet ku gjendemi. Normat kushtetuese e caktojnë qartë pozitën. Vendi ka Qeveri në dorëheqje. E kjo vazhdon deri në zgjedhjet e reja. Presidenti po i drejtohet partisë së parë për të dhënë mandatarin e ri, e ajo nuk po e jep duke deklaruar ka punë më të rëndësishme që duhet ti kryej në kohë pandemie, dhe vendi ka Qeveri. E pikërisht kjo e obligon Presidentin të merr edhe njëherë verdiktin nga Gjykata Kushtetuese dhe nuk duhet kurrsesi të mandaton ndonjë parti tjetër politike sepse nuk ka bazë kushtetuese për veprim të tillë”, thotë Muhamet Kelmendi për “Kosova Sot Online”. Sipas tij, vonesa për ta marr mendimin dhe qëndrimin e Gjykatës Kushtetuese është humbje e madhe e kohës nga ana e Presidentit, e kjo nuk do të duhej të ndodhte tani.
“Nëse mandaton mandatar tjetër nga ndonjë subjekt politik parlamentar të renditur në zgjedhje pas partisë së parë fituese të zgjedhjeve, do të jetë një veprim shumë i dëmshëm dhe tejet i rrezikshëm. Nuk po them se është grusht shtet, por është një veprim konfliktuoz dhe i rrezikshëm për pasojë të të cilit vendi do të shkon kështu drejtë një gjendje shumë konfkliktuoze. Prandaj nevojitet gjakftohtësi dhe veprim kushtetues ngase rrugë tjetër nuk ka”, thotë Muhamet Kelmendi për “Kosova Sot Online”.
Ai vlerëson se Presidenti po përpiqet që ta fus në veprim VV-në, po dëshiron ta futë këtë subjekt në rrugën e nenit 95 të Kushtetutë që ta detyron këtë subjekt ta pranon mandatarin e ri ta vazhdon rrugën e tillë të Presidentit. Megjithatë, VV nuk po vepron e ky është një fakt që tregon se dëshiron zgjedhje të reja sepse këtë e ka edhe në norma kushtetuese. “Mirëpo nëse e jep mandatarin dhe ai nuk zgjidhet, Presidenti po e përgatitë rrugën e mandatimit të mandatarit nga subjektet tjera, që mundë ti bëjnë votat. Kjo është e rrezikshme juridikisht dhe de fakto dërgon në konflikte të hapura. Këtë e dinë Presidenti sepse nuk ka normë për këtë rrugë të kalimit të mandatarit’, thotë Kelmendi për “Kosova Sot Online”. Derisa nuk pajtohet VV-ja për qeveri gjithëpërfshirëse por kërkon zgjedhje të reja, sipas Muhamet Kelmendit kjo do të ishte zgjidhje ideale ndonëse jo në interes të vendit. Mirëpo Presidenti nuk e bënë këtë veprim sepse dëshiron të bëhet faktori kryesor i kapjes së shtetit. “Është koha e veprimit juridik. Kjo donë të thotë e kalimit të mandatit te populli i Kosovës ose të vazhdimit të rrugës së Qeverisë në detyrë. Ka mundësi që me marrëveshje të vazhdohet puna e Qeverisë aktuale duke e riorganizuar këtë Qeveri nën udhëheqjen e subjektit që është i pari. Pra, mundësi ka. Duhen vetëm veprime pa interesa tjera por shteti mbi të gjitha”, thotë Muhamet Kelmendi për “Kosova Sot Online”.
