Prej sot nisë fushata e legalizimit të ndërtimeve pa leje!

Sot mbahet ceremonia e hapjes zyrtare të fushatës së legalizimit të ndërtimeve pa leje në Republikën e Kosovës,  me moton “Legalizo Ndërtimin, mos e humb mundësinë”, e cila do të mbahet në objektin e Ish Rilindjes, transmeton Gazeta Mejdani.

Hapjen e ceremonisë do ta bëjë Ministri i në detyrë i Mjedisit dhe Planifikimit Hapësinorë, z. Fatmir Matoshi, kurse të ftuar do të jenë të gjithë Kryetarët e Komunave dhe drejtorët e Departamenteve të Urbanizimit në komuna përkatëse.

Takimi ka për qëllim njoftimin e kryetarëve dhe drejtorëve mbi procesin e legalizimit dhe procedurave administrative që duhet të ndiqen që nga aplikimi e deri tek legalizimi i objekteve, konformë Ligjit për Trajtimin e Ndërtimeve pa Leje si dhe Udhëzimeve Administrative që dalin nga ky ligj./RTK/