Në fshatin Plemetin të Obiliqit dy persona dyshohet se kanë tentuar që të nxjerrin jashtë shtetit një vajzë 3-vjeçare pa lejen e nënës së saj, meqë rast ka intervenuar Policia e Kosovës, duke e kthyer fëmijën.
Kështu është bërë e ditur përmes raportit nga Policia e Kosovës, për rastin që ka ndodhur rreth një javë më parë.
Sipas të dhënave, ata kanë tentuar të udhëtojnë jashtë shtetit përmes pikës kufitare në Jarinjë, ku edhe janë ndaluar.
“Fsh. Plemetin, Obiliq 04.12.2020-11:30. Raportohet se të dyshuarit një femër dhe një mashkull kosovar-e, pa pëlqimin e viktimës –ia kanë marrë vajzën 3 vjeçare dhe kanë tentuar që të udhëtojnë jashtë Kosovës nëpërmes pikës kufitare Jarinjë, ku edhe janë ndaluar. Të dyshuarit dhe viktima janë shoqëruar në stacionin e Obiliqit ku dhe janë intervistuar. Me vendim të prokurorit fëmija i kthehet nënës dhe rasti shkon në procedurë të rregullt”, thuhet në raport.
