Pas tërmetit që goditi Shqipërinë edhe qytetarët e Kosovës, institucionet e saj, FSK-ja, Policia e Kosovës e ekipe të shumta emergjence kanë organizuar aksion për të ndihmuar të prekurit nga tërmeti atje.
Në një postim në rrjetin social Facebokk, Dardania Sacra, ka publikuar këto foto, krahas të cilave ka shtuar: Polici i Kosovës si refugjat në Kukës në vitit 1999, tani si polic i njësive speciale në Thumanë në ndihmë të vëllezërve dhe motrave tona!
Ditën e dytë pas tërmetit të raportuar në Shqipëri, Policia e Kosovës ka dërguar njësitet policore në përbërje prej 100 policësh të tjerë të njësiteve të specializuara, të cilët do të jenë në shërbim të autoriteteve atje, në kërkim-shpëtim të banorëve që dyshohet se kanë mbetur nën gërmadha të objekteve të rrënuara.
Policia e Kosovës thotë se është në gjendje gatishmërie që sipas nevojës të angazhohet me kapacitetet e saj në dispozicion./Gazeta Mejdani/
Discussion about this post