Dy persona janë palgosur nga arma e zjarrit sot në lagjen Kolovica në Prishtinë. Këtë e ka konfimuar zëdhënësja e policisë në Prishtinë, Flora Ahmeti.
“Rreth ores 17 :00 kemi marrë informatën se në lagjen Kolovicë në Prishtinë, ka pasë të shtëna me armë zjarri. Njësitet policore kanë dalë në vendin e ngjarjes dhe kanë nisur një hetim lidhur me rrethanat e këtij rasti. Në këtë rast nga arma e zjarrit janë plagosur dy persona. Të njëjtit janë dërguar për trajtim mjekësor”, ka thënë Ahmeti.
Ajo ka shtuar se për këtë rast është arrestuar një person i dyshuar dhe iu ka konfiskuar arma e cila dyshohet të jetë përdorur në rast. Aktualisht njësitet policore janë duke punuar në identifikimin dhe arrestimin e personave të tjerë të përfshirë në rast. Motivet e kësaj ngjarje ende nuk dihen.
