Takimi Kurti e Mustafa do të nisë së shpejti në selinë e Kuvendit.
Drejtuesit e Vetëvendosjes dhe LDK-së, Albin Kurti dhe Isa Mustafa, janë dakorduar që të takohen sot gjatë ditës për të biseduar në lidhje me mundësinë e një marrëveshje politike për bashkëqeverisje mes dy partive që ata drejtojnë.
Siç bëjnë të ditur burime të Syri.net Kosova, takimi do të mbahen përsëri në ndërtesën e Kuvendit të Kosovës në orën 17:00.
Edhe vetë shefi i VV-së Albin Kurti e ka konfirmuar takimin e sotëm duke thënë “po do të ketë takim sot”. “Në këtë takim do të vazhdojmë aty ku kemi mbetur”, ka thënë kryetari i Vetëvendosjes Albin Kurti para mediave.
Takimi i fundit mes Kurtit dhe Mustafës është mbajtur më 2 dhjetor por që nuk prodhoi ndonjë marrëveshje.
Kanë kaluar më shumë se 2 muaj që prej përfundimit të zgjedhjeve, por që palët nuk kanë arritur marrëveshje përfundimtare, përkundër takimeve të shumta.
Discussion about this post