Vetëm një javë pasi Albin Kurti u zgjodh Kryeministër i Kosovës, Ministria e Administratës Publike ka shpallur tender për furnizim me ngjyrë për ngjyrosjen e zyreve në ndërtesën e Kryeministrisë.
Përmes njoftimit për nënshkrim të kontratës, të publikuar nga MAP’i në faqen zyrtare të Komisionit Rregullativ të Prokurimit Publik, është bërë e ditur se për ngjyrën që do të lyejë muret në ndërtesën e Kryeministrisë do të shpenzohen rreth 1 mijë euro nga buxheti i shtetit.
“Furnizim me ngjyrë për ngjyrosjen e zyrave në ndërtesën e Kryeministrisë”, thuhet në njoftimin për nënshkrimin e kontratës.
Për këtë tender kishin aplikuar tri kompani, por që në fund fituese është shpallur kompania “Elektroterm-Ing”.
Kontrata është nënshkruar më 13 shkurt të këtij viti.
Nuk dihet nëse do të ketë një tender edhe për punëtorët që do ta bëjnë lyerjen e mureve në fjalë.
