Ish-mjeku i UÇK-së, Liri Loshi, në një postim në Facebok, ka shkruar në lidhje me mocionin për rrëzimin e Kurtit nga Qeveria.
Sipas Loshit, ata të cilët do të votojnë për ta rrëzuar qeverin e Kurtit sot të njejtit do të detyrohen të përfundojn duke nënshkruar marrëvesje me Serbinë me anë të presionit të Amerikës.
Mos lejoni që miti për miqësinë tonë me Amerikën ta cungojë shtetin e Kosovës. Sepse, shteti ynë nuk është mit. Është realitet i fituar me gjak, përfundon më tej, Loshi.bs
Postimi i plotë:
VOTA KUNDËR QEVERISË KURTI, ËSHTË VOTË PËR NDARJEN E KOSOVËS.
Ju, të nderuar deputetë, që nuk e kuptoni sot se rrëzimi i qeverisë Kurti është thikë pas shpine për shtetin e Kosovës, këtë gjë do ta kuptoni nesër, kur me të njëjtin presion Amerika e Trumpit do të ju detyrojë për ta ratifikuar marrëveshjen me Serbinë që do të përfundojë me ndarjen e Kosovës.
A nuk i detyroi po kjo Amerikë që vetë të akuzuarit potencialë për krime lufte ta votonin Gjykatën speciale, e cila sot ka filluar t’i trajtojë e neser t’u japë vendime me burg? A ishin këta njerëz qē më pas u munduan ta zhbëjnë Gjykatën speciale, por që Amerika ua ndali turrin! Sot Gjykatën Speciale as vetë Amerika nuk e sheh me simpati, as nuk krenohet me punën e vet në këtë kontekst. Por ajo është një akt i kryer.
Taktika e shtyerjes së dialogut me Serbinë, do të mund të arrihej me qeverinë Kurti deri në vjeshtën e këtij viti e që mund ta shmangte ndarjen e Kosovës. Nëse dikush ka dashur ta shpëtojë Kosovën nga ndarja, le ta dijë se këtë ka mundur ta bëjë sot duke mos e votuar mocionin e Isës për rrëzimin e qeverisë Kurti.
Mos thoni nuk e kemi ditur. Ja ku e keni të shkruar: rrëzimi i qeverisë Kurti është ndarje e Kosovës. Ose dhenie e tokës sonë Sërbisë pa i marrë asaj kurrgjë.
Mos lejoni që miti për miqësinë tonë me Amerikën ta cungojë shtetin e Kosovës. Sepse, shteti ynë nuk është mit. Është realitet i fituar me gjak.
