Kryetarja e Kuvendit të Kosovës, Vjosa Osmani është shfaqur e acaruar ndaj Kryeministrit Avdullah Hoti, për të cilin tha se Projektligji për Rimëkëmbjen i duket i parëndësishëm.
Sipas saj meqë ai nuk gjendet prezent në seancën sotme të jashtëzakonshme, njofton Klan Kosova.
”Kjo tregon se sa lodhet kjo Qeveri për këtë ligj. Me vet faktin se sot as kryeministri nuk është këtu, tregon se nuk lodhen aspak për dëmin ekonomik të shkaktuar nga pandemia”.
”Ajo çka kam marrë unë si Kryetare e Kuvendit, ‘’janë palaço, parazit’’. Nuk është kjo mënyra për të bashkëpunuar. Nuk është kjo mënyra për të arritur unitet për cilëndo çështje”.
”Jam këtu për të treguar se siç e kam votuar për pesë e më shumë hera të tjera, unë e votoj edhe sot, por jo se e meritoni ju këtë votë – sepse në vend që të tregoni bashkëpunim, keni treguar arrogancë të paparë, edhe injorancë po”.
”Sepse edhe pasi të thonë po, prapë do të quhemi ‘’parazitë, jolegjitim e palaço’’ nga anëtarë të kësaj qeverie. Por po ua bëjë me dije, se nuk e keni gjatë!”
”Po më vjen mirë që këtë detaj po e sheh Arben Gashi. I kam thënë që për hir të bashkëpunimit që kemi pasur tani e sa vjet unë e kam votuar”.
”Nëse doni të tregoni seriozitet, kryeministri duhet të vijë dhe të takohet me Kryetaren e Kuvendit. Kur i thash herën e kaluar ai qeshi, sepse për të është hajgare bashkëpunimi institucional”.
Ndërsa i është drejtuar shefit të grupit parlamentar të LDK-së, Arben Gashit, Vjosa Osmani i ka rikujtuar atij se qasja e saj i referohet Kryeministrit Avdullah Hoti, njofton Klan Kosova.
”Me ju nuk e kisha, por me njerëzit nga Qeveria, konkretisht me kryeministrin që e ka shkatërruar bashëkpunimin”.
”Është që katër muaj aty, dhe nuk gjen pesë minuta për të gjetur kohë për diskutim me Kryetaren e Kuvendit. Kur thoni se është i interesit qytetar duhet ta bëni atë që e keni bërë për ligjin antikovid”.
