I njohur ndryshe si “Slloba i Vogël”, tani kryetari i Kuvendit të Serbisë, Ivica Dacic ka lëshuar sot një tjetër gënjeshtër, provokim dhe akuza ndaj ish-presidentit amerikan, Bill Clinton dhe ish-sekretares amerikane, Medeleine Albright.
Dacic ia ka dhimbur dhe nervozuar shumë deklaratat e fundit nga Albright dhe kongresmeni Eliot Engel në Kongres, ku këta të fundit kërkuan nga Serbia ta njeh pavarësinë e Kosovës dhe t’i qet para drejtësisë të gjithë kriminelët serbë që kryen masakra e gjenocid në luftën e fundit në Kosovë.
“Slloba i Vogël” sot ka deklaruar se Bill Clinton dhe Medeleine Albright kanë gënjyer se serbët kryen masakra e vranë civilë.https://gjc.gjirafa.com/Home/IndexR?configId=4197-2&gjid=77367343&v=2.1&guid=78cd5907c7e8465ea766e9a54b6be3ce4833b69c59d34dee92c851a22fe533ac
“Clinton dhe Albright gënjyen se serbët kryen masakra, vranë civilë dhe në fund doli se asnjëra s’ishte e vërtetë”, ka thënë Dacic për Tv Pink, transmeton Gazeta Metro.
Dacic ka thënë se të gjithë janë të kënaqur që Eliot Engel nuk do të jetë më në Kongres, dhe paraqitja e ish-Sekretares Medeleine Albright provokoi zemërim tek Serbët, sepse ajo ishte në administratën e Bill Clintonit që “vranë njerëz këtu për Shqipërinë e Madhe”.
Ndryshe, “Slloba i Vogël” është nervozuar edhe me deklaratat e fundit të eurodeputetes gjermane Viola Von Cramon, për të cilën tha se gjuha e saj ishte jodiplomatike, e vrazhdë, jo politike sjellja e dikujt në pozicionin e tillë.
Kush është Ivica Dacic, Gazeta Metro ju sjellë një kujtim të shkurtër lexuesve?
Lideri i Partisë Socialiste serbe, Ivica Dacic po mban tani pozitën e kryetarit të Kuvendit, i cili dha dorëheqje nga pozita e kryediplomatit të Serbisë, pozitë këtë që natë e ditë loboi kundër pavarësisë së Kosovës.
Gjatë luftrave të viteve ’90 në Jugosllavi, Dacic ishte zëdhënës i presidentit të atëhershëm jugosllav Slobodan Milosevic, i njohur më mirë si “Kasapi i Ballkanit”.
Ky funksion bëri që atij t’i ngjitej pseudonimi “Slloba i Vogël”, edhe pse ai nuk është i vetmi politikan socialist që është etiketuar me një nofkë të tillë.
Në komente të bëra mbi historinë e tij me Milosevicin, Dacic ka thënë në vitin 2009 se: “E kaluara nuk më intereson, sepse unë nuk mund ta ndryshoj atë, por ne mund të bëjmë diçka për të ndryshuar të ardhmen e vendit”, transmeton Gazeta Metro.
Prirjet nacionaliste të Dacic, që ka lindur në Kosovë, kanë gjeneruar spekulime mbi politikën e qeverisë së re kundrejt çështjes së shpërbërjes së territorit, që mund të ketë ndikime për të ardhmen evropiane të vendit.
Kosova është problemi i tij kryesor, ndërkohë që BE ka thënë se njohja e saj nuk do të jetë kusht për anëtarësimin e Serbisë, deklarata bie ndesh me politikën që përkrah Dacic.
Dacic ka thënë së fundmi se, edhe pse Serbia nuk do ta pranojë pavarësinë e Kosovës, ajo do të bashkëpunojë me të gjitha vendet e botës, se do të jetë avokate e sigurisë, stabilitetit, e marrëdhënieve të mira ndërfqinjësore dhe se do të shtrijë dorën e miqësisë, transmeton Gazeta Metro.
Kjo deklaratë bie ndesh me një tjetër që ai ka bërë në vitin 2006, kur u zgjodh kryetar i Partisë Socialiste dhe tha se, nuk e kishte problem të merrte armët për të luftuar për Kosovën, si diçka që e kishte bërë edhe në të kaluarën.
