Një baze e re detare e NATO-s në Shqipëri, NATO po shqyrton vendosjen e saj!

Ndonëse nuk ka ende një vendim, strukturat e NATO-s janë duke vlerësuar kërkesën e Tiranës zyrtare për ngritjen e një baze detare të aleancës në territorin e shtetit shqiptar.

Në konferencën e përbashkët me presidentin Ilir Meta, Jens Stoltenberg, sekretari i Përgjithshëm i NATO-s, tha se ekspertët po e shqyrtojnë si mundësi dhe më pas do të marrin vendimin nëse do të ngrihet ose jo një bazë detare në Shqipëri.

“Deri më tani asnjë vendim nuk marrë për ndonjë investim shtesë në një bazë detare, por është diçka që po vlerësohet nga autoritetet dhe ekspertët, dhe në bazë të kësaj do të merret një vendim”, u shpreh Stoltenberg.