Ndërsa sulmet e Izraelit në Gaza hynë në ditën e tyre të 21-të, gazeta New York Times nënvizoi se bombardimet që kanë vazhduar prej ditësh janë ndër sulmet më intensive të shekullit të 21-të. Duke folur për gazetën, një gjeneral në pension i Forcave Ajrore izraelite deklaroi se plani i Izraelit është të përparojë në terren përmes korridoreve të sigurta të krijuara duke rrafshuar rajonin, shkruan: Yeni Safak.
Pas presionit të përgjakshëm të Hamasit kundër Izraelit më 7 tetor, ushtria izraelite ka 20 ditë që bombardon me avionë luftarakë Rripin e Gazës, ku jetojnë më shumë se 2 milionë civilë, duke rritur dita-ditës tensionin në rajon.
Menjëherë pasi qeveria izraelite shtyu operacionin tokësor me sugjerim të SHBA-së, u njoftua se forcat tokësore izraelite hynë në veri të Rripit të Gazës me tanke dhe mjete të blinduara mbrëmjen e kaluar dhe shkatërruan pikat që dyshohet se i përkisnin Hamasit.
Në radion e ushtrisë izraelite u raportua se ndërhyrja e tankeve ishte sulmi më i madh i ushtrisë në Gaza që nga fillimi i konfliktit. Nga ana tjetër, Izraeli, i cili pritet të nisë një operacion gjithëpërfshirës tokësor kundër Gazës, vazhdon të rrisë grumbullimin e tij ushtarak në kufi. Ushtria izraelite, e cila hapi tetë fronte në kufirin e Rripit të Gazës, vendosi dhjetëra tanke në jug dhe në veri të rajonit.
‘Sulmet më vdekjeprurëse’
Në analizën e publikuar në gazetën amerikane New York Times (NYT), theksohet se sulmet e Izraelit që synonin Gazën ishin sulmet më intensive të shekullit të 21-të. Në lajm thuhet se në Rripin e Gazës në 20 ditët e fundit janë goditur më shumë se 7 mijë objektiva dhe se nën bomba kanë humbur jetën më shumë se 6 mijë e 500 persona, mes të cilëve 2704 fëmijë. Kjo është koha më e keqe për palestinezët në 40 vjetët e fundit./YS/
