Turqia ka regjistruar një numë rekord viktimash nga koronavirusi të premten. Sipas autoriteteve të Shëndetit në vend, në 24 orë, si pasojë e Covid-19 kanë humbur jetën 141 persona.
Sipas të dhënave, vendi regjistroi sot edhe 5,103 raste të reja me koronavirus ndërsa totali i viktimave shkoi në 12,084. Që nga korriku, Ankaraja ka raportuar vetëm rastet simptomatike me virusin, një lëvizjes që, sipas kritikëve, fsheh shkallën e vërtetë të epidemisë në vend.
Të enjte, presidenti Tayyip Erdogan njoftoi shtrëngimin e mëtejshëm të masave anti-Covid, përfshirë këtu edhe vendosjen e shtetrrethimit, i cili hyn në fuqi sot në orën 20:00, dhe do të funksionojë vetëm gjatë fundjavës, deri në orën 10:00 të ditës pasardhëse.
Kufizimi do të marrë fund të hënën në orën 05:00 për të mundësuar rifillimin e aktiviteteve të punës.
Po ashtu, sipas masave të reja, grupmoshat e cënuara, pra persona mbi 65 vjeç dhe nën 20 vjeç do të jenë të detyruar që të rrinë brenda në raste se nuk janë të punësuar.
