Me rastin 30 gushtit, 100 vjetorit të fitores së madhe të Turkiye, sot në Prishtinë është organizuar një recepsion manifestiv ku morën pjesë fytyra të njohura të politikës kosovare, shkruan Gazeta Mejdani.
Bazuar në faqen zyrtare në Facebook të ambasadës turke në Prishtinë, në këtë manifestim, për historinë dhe rëndësinë e 30 gushtit, Ditës së Fitores, foli ambasadori i Republikës së Turkiye në Prishtinë, Z. Çağrı Sakar.
Përveç tjerash, duke u ndalë në momente kyçe të kësaj dite, ai lexoi edhe fjalën e Presidentit të vendit të tij, Recep Tayyip Erdogan.
Me rastin e 100-vjetorit të Fitores së 30 Gushtit, në Rezidencën Zyrtare të Ambasadorit turk morën pjesë edhe këta musafirë:
Kryeministri i Kosovës Albin Kurti, zëvendëskryeministrja Emilja Rexhepi, ministre e Mbrojtjes, Armend Mehaj, Ministri i Zhvillimit Rajonal dhe Kryetar i Partisë Demokratike Turke të Kosovës (KDTP) Fikrim Damka, Kryetari i Partisë Demokratike të Kosovës (PDK) Memli Krasniqi, deputetët Fidan Brina Jılta, Visar Korenica dhe Eman Rrahmani, Kryeimami i Kosovës Vedat Sahiti, ish-ministri i drejtësisë Abelard Tahiri, kryetari i komunës së Prizrenit Shaqir Totaj, kryetari i komunës së Gjakovës Ardian Gjini, kryetari i komunës së Ferizajt Agim Aliu, kryetari i komunës së Vushtrisë Ferit İdrizi, kryetari i Komunës së Mamushës Abdülhadi Krasniç, ambasadorë, përfaqësues diplomatik dhe përfaqësues të organizatave ndërkombëtare, artistë, përfaqësues të shtypit dhe përfaqësues të shoqërisë civile.
S’do mend se fitorja e 30 gushtit ishte shumë e rëndësishme për Turkiye dhe për gjithë rajonin. Ajo fitore bëri të ndryshojnë kostelacionet gjeopolitike jo vetëm të asaj kohe por edhe deri në ditët tona.
Fitorja e madhe e 30 gushtit është ditë që po reflektonte një të ardhme të ndritshme për popullin turk dhe për popujt e rajonit./Gazeta Mejdani/
