Para 11 ditëve në spitalin Furkani në qytetin Kom u pranua e moshuara e infektuar me koronavirus, ndërsa sot është liruar nga spitali dhe ndihet mirë, lajmëroi televizioni shtetëror iranian
Një grua 90-vjeçare në qytetin iranian Kom, epiqendra e koronavirusit në këtë vend, është kuruar nga koronavirusi dhe liruar nga spitali, transmeton Anadolu Agency (AA).
Para 11 ditëve në spitalin Furkani në qytetin Kom u pranua e moshuara e infektuar me koronavirus, ndërsa sot është liruar nga spitali dhe ndihet mirë, lajmëroi televizioni shtetëror iranian.
Më herët në Iran u bë e ditur se koronavirusin e mposhti edhe një 91-vjeçare.
Rasti i parë me koronavirus në Iran u regjistrua më 19 shkurt në qytetin Kom, ndërsa më pas u përhap në pothuajse çdo qytet të vendit. Aktualisht, më shumë se 2,000 persona kanë vdekur nga koronavirusi në Iran, më shumë se 30,000 janë infektuar.
