Të paktën dy ushtarë amerikanë janë vrarë dhe dy të tjerë u plagosën në një sulm me bomba në jug të Afganistanit, tha ushtria amerikane. Ushtria amerikane nuk ka identifikuar asnjë nga pjestarët e shërbimit.
Incidenti ndodhi kur një automjet ushtarak amerikan në një kolonë hasi në një pajisje të improvizuar shpërthyese në provincën jugore Kandahar, sipas një deklarate nga Misioni i SHBA-së.
Qari Yosuf Ahmadi, zëdhënësi i Talibanëve, mori përgjegjësinë për sulmin.
Vitin e kaluar, të paktën 20 ushtarë amerikanë u vranë në Afganistan, sipas informacioneve jozyrtare.
Më shumë se 2.400 pjestarë të misionit amerikan janë vrarë në Afganistan. Viti i kaluar ishte një nga vitet më vdekjeprurëse për Shtetet e Bashkuara.
