Tri orë më parë Gazeta Mejdani pati informuar lexuesit e saj mbi emrat e mundshëm të ministrave në Qeverinë Kurti. Magjithatë, listës së ministrave i shtohet edhe një tjetër.
Tani janë mësuar emrat përfundimtarë të 12 ministrave të kësaj qeverie të cilët priten të votohet nesër ditën e hënë në Kuvendin e Kosovës.
Vetëvendosje:
Ministria e Punëve të Jashtme – Glauk Konjufca
Ministria e Drejtësisë – Albulena Haxhiu
Ministria e Financave – Besnik Bislimi
Ministria e Ekonomisë – Rozeta Hajdari
Ministria e Shëndetësisë – Arben Vitia
Ministria e Integrimeve Evropiane – Blerim Reka
Lidhja Demokratike e Kosovës:
Ministria e Punëve të Brendshme – Agim Veliu
Ministria e Infrastrukturës – Lumir Abdixhiku
Ministria e Bujqësisë – Besian Mustafa
Ministria e Arsimit – Hykmete Bajrami
Ministria e Kulturës, Rinisë dhe Sportit – Vlora Dumoshi
Ministria e Mbrojtjes – Anton Quni
Pra, fjala është se emri i ministrit të 12-të është ai i Integrimeve Evropiane. E ky është Blerim Reka.
Sot kryetari i Vetëvendosjes Albin Kurti dhe ai i LDK-së Isa Mustafa zyrtarizuan marrëveshjen për bashkëqeverisje, duke treguar se nga 12 ministri sa ishin marrë vesh fillimisht, qeveria e re do të ketë 15 ministri.
Nga 15 ministri, dy partitë do të kenë nga gjashtë, ndërsa tri do t’u takojnë minoriteteve. Albin Kurti do të jetë kryeministër, ndërsa zëvendëskryeministra do të jenë Avdullah Hoti i LDK-së dhe Haki Abazi i VV-së. LDK-ja do të udhëheqë Kuvendin me Vjosa Osmanin si kryeparlamentare.
Vetëvendosje do ta udhëheqë Ministrinë e Punëve të Jashtme, atë të Drejtësisë, të Financave, të Ekonomisë, të Shëndetësisë dhe atë të Integrimeve Evropiane. LDK-ja do të udhëheqë me Ministrinë e Punëve të Brendshme, Ministrinë e Infrastrukturës, atë të Bujqësisë, të Arsimit, MKRS-në dhe atë të Mbrojtjes./Gazeta Mejdani/
