Kryetari i LDK-së, Isa Mustafa në takimin që po mbahet i ftuar nga presidenti Hashim Thaçi, ka deklaruar se nuk është koha që të shkojmë në zgjedhje të jashtëzakonshme.
“Në këto momente nuk duhet të shkojmë në zgjedhje. Duhet të bëjmë përpjekje të formojmë një qeveri e cila mund të qeverisë vendin në mënyrë normale”, ka thënë Mustafa.
E SPONSORUARKLIKO PËR MË SHUMË
Mustafa ka shtuar se Kuvendit i nevojitet qeveri që mund të punoj me kapacitete të plota dhe mandat të plotë të Kuvendit.
“Momenti i tanishëm me të cilin po ballafaqohet Kosova me pandeminë, nuk mundëson që ne të mbajmë zgjedhje të reja Duhet të bëjmë përpjekje të formojmë një qeveri që siguron shumicën e Kuvendit të Kosovës dhe këtë ta bëjmë sa më shpejt”, u shpreh Mustafa.
Ai shtoi se LDK është e gatshme të marrë përsipër formimin e qeverisë nëse i kërkohet.
“Si LDK jemi të gatshëm që të marrim iniciativën dhe të sigurojmë shumicën si parti e dytë, nëse na ofrohet kjo mundësi”, tha Mustafa. /Gazeta Mejdani/
