Dr. Mustafa Bajrami sërish i ka bërë thirrje RTK-së që një kanal televizit të saj ta rezervojë kryekëput për zhvillimin e lëndëve mësimore, shkruan Gazeta Mejdani.
Sipas tij, ky kanal televiziv do të duhej të shërbente kryekëput për arsim dhe për çdo gjë tjetër që do të ndihonte zhvillimin dhe përparimin e sistemit arsimorë në Kosovë. “Kjo metodë arsimore do t’u ndihmonte shumë nxënësve tanë” ka thënë ai.
Ai ka shkruar gjithashtu se një metodë e tillë është praktikë e shumë vendeve nëpër botë. Në lidhje me këtë, thotë ai, “kam shkruar në një gazetë ditore kosovare qysh në vitin 2011, por, deri më sot, për fat të keq ky propozim nuk është përfillur“.
I njohur me përjekjet e tij që të promovojë tek ne idenë e mësimit nga përvojat e popujve dhe vendeve të tjera, ku disa herë ka përmendur sidomos Gjermaninë, Japoninë, Turqinë e Singaportin, ai ka thënë se leximi i botës nëpërmes përvojave të suksesshme të shumë vendeve, Kosovës do t’ia lehtësonte mundin për të gjetur m[nyrat më efikase për prosperimin e sistemit arsimor tek ne.
Megjithatë, ka shkruar ai, në asnjë mënyrë nuk lejohet që sidomos në sistemin arsimor, të merret cdo gjë si e gatshme nga jashtë, si program që na servohet e imponohet, pa marrë parasyshë fillimisht traditën, kulturën dhe vetëdijën tonë si popull.
Më poshtë gjeni postimin e tij të plotë:
Jam dashamir i “shetitjes” nëpër botë për të mësuar nga përvojat e të tjerëve, dhe këtë e kam përmend në dhjetëra shkrime e ligjërata!
Erdhi koha të përmendi një shkrim që e kisha botuar në Gazeta “Zëri” në vitin 2011. Atëbotë kam pas thënë: Ka shumë shtete në botë të cilat përgjatë gjithë vitit e rezervojnë ka një kanal televiziv publik kryesisht për emisione edukative-arsimore. Në atë kanal, shpjegohen lëndët mësimore të shkollave të mesme, ndërsa në periudhën e gjysmëvjetorit të dytë, ndodhë që të lëshojnë në shërbim plus një kanal të dytë.
Zakonisht përzgjidhen profesorët më me përvojë dhe nga mëngjesi, brenda 12 orësh shpjegohen të gjitha lëndët bash sikur në shkollë. Plus kësaj, herë pas here bëhen edhe detyrat. Ka ndodhur kur kam parë të jenë prezent edhe nxënës të përzgjedhur që të zhvillohet një mësim interaktiv për të lehtësuar kuptimin e mësimeve nga nxënësit shikuesë të emisioneve.
Pas dhjetë viteve prapë po shtrojë të njëjtën pyetje: Përse të mos praktikohet diçka e tillë edhe tek ne në Kosovë, jo vetëm tani në kohë koronavirusi, por për gjatë gjithë vitit?
P/S: Kam një porosi, nëse nuk keqkuptohem: Meqë filloi edhe tek ne mësimi online në televizion, mundësisht ose të ftohen mësuesë që kanë përvoja të gjata në mësimdhënje, pra, që flasin pa lexue aty, ose, nëse ftohen edhe me më pak përvojë, të porositen ata mësimdhënës që t’i lexojnë mirë mësimet në shtëpi e mos të na dalin në televizion duke i lexuar ato që i kanë në tabela. Jam mëse i bindun se mënyra e dytë ka për ta zbehë interesimin e nxënësve.
Gjithsesi, SUKSESE e PËRHAJR…!/Gazeta Mejdani/
