Mrekullia e bimës Aloe vera!

Aloe vera, ndonjëherë e përshkruar si “ bima e mrekullive”, është një bimë barishtore me gjethe të trasha dhe të forta, të dhëmbëzuara në anët e tyre. Shumica e përdorimeve të saj janë në formën e xhelit që nxirret nga gjethet e kësaj bimë.

Disa nga përfitimet shëndetësorë të Aloe verës janë:

1. Dhëmbë dhe mishrat e dhëmbëve

Aloe vera në xhelet për dhëmbë është po aq efekive sa edhe pasta e dhëmbëve për luftimin e kaviteteve. Lëngu i aloes apo lateksi përmban antrakinone, përbërës që shërojnë dhe reduktojnë dhimbjen nëpërmjët efekteve natyrale anti – inflamatore.

1. Kapsllëku

Agjensia rregullatore për bimët e Gjermanisë e ka miratuar përdorimin e lateksit të Aloe verës për të trajtuar kapsllëkun. Ndërkohë që Agjensia Amerikane e Administrimit të Ushqimit dhe Ilaçeve ka deklaruar se nuk ka akoma mjaftueshëm të dhëna në sigurinë dhe efektivitetin e produkteve të Aloe verës, kështu në SHBA ato nuk mund të përdoren për të trajtuar kapsllëkun.

1. Diabeti

Shumë studime kanë treguar se lëngu i Aloes mund të ndihmojë në uljen e niveleve të sheqerit në gjak tek njerëzit me diabet të tipit 2. Por ekspertët këshillojnë kryerjen e të tjera studimeve për të parë nëse Aloe vera është vërtet e mirë për diabetin.

1. Vlera antioksidante dhe antimikrobiale

Si gjethet edhe lulet e Aloe verës kanë veti antioksidante, sidomos lëkura e gjetheve. Lëkura e gjethes ka gjithashtu veti antimykoplazmike. Mykoplazma është një lloj bakterie që nuk ka mur qelizor, kështu që nuk mund të luftohen nga shumë antibiotikë të zakonshëm. Substancat antiantimykoplazmike i shkatërrojnë këto bakterie.

1. Mbrojtje nga rrezatimi ultraviolet

Një studim i kryer në Korenë e Jugut zbuloi se ekstrakti i Aloe verës mund të mbrojë ndaj rrezatimit ultraviolet.

1. Plagët nga djegie të gradës së dytë

Një skuadër kirurgësh plastikë e krahasoi përdorimin xhelit të Aloe verës me atë të kremit sulfadiazinë argjendi për trajtimin e djegieve të gradës së dytë.

Djegiet tek pacientët që u trajtuan me Aloe vera u shëruan shumë më shpejt se tek ata pacintë që u trajtuan me kremit sulfadiazinë argjendi. Gjithashtu pacientët që u trajtuan me xhel aloe vera kishin më pak dhimbje.

/Gazeta Mejdani/