Përderisa një numër i madh i qytetarëve të Kosovës ankohen për rregullin dhe trajtimin që marrin në QKUK, moderatorja e njohur kosovare e ka thënë të kundërtën. Ajo lavdëron sa s’bëhet më stafin mjekësor, rregullin dhe trajtimin që kishte marrë aty, përcjell Gazeta Mejdani.
Për më tepër, Myrvete Qerkezi, moderatorja e dikurshme në RTV21 ka shkruar se kishte mbetur e fascionuar nga rregulli, pastërtia, kujdesi dhe profesionalizmi i stafit mjekësor në QKUK.
“Ndjej për borxh moral t’i falënderoj të gjithë dhe pa dallim. Duke filluar nga stafi i sigurimit, mirëmbajtësve të repartit e deri tek stafi i mjekëve dhe infermierëve për kujdesin e tyre të treguar ndaj neve pacientëve që ishim të shtrirë në këtë repart” ka shkruar ajo.
Megjithë që pati reagime në murin e saj në Facebook duke i komentuar qytetarët se këtë kujdes e ka pasur vetëm për shkak se është fytyrë e njohur publike, ajo me këmbëngulje ka mbrojtur atë që kishte thënë në shkrimin e saj: “Une u provova kësaj here vet, dhe ndjeva obligim me interpretu vetem ate qe pash.❤️” ka thënë ajo
Pas lëshimit nga spitali, ajo i falënderon thellësisht të gjithë së bashku, nga mirëmbajtësit e deri tek mjekët dhe shefi i repartit.
“U gëzofshi përjetë me familjet tuaja siç më bëtë mua të dalë e gëzuar nga reparti juaj!” ka thënë Myrvete Qerkezi në fund të shkrimit të saj.
Shkrimi i saj i plotë:
Do të ju jam mirënjohëse dhe falënderuese sa të jam gjallë!
Në postimin e saj në llogarinë e saj në Facebook, ajo ka shprehur admirimin ndaj të gjithë punonjësve në repartin e kirurgjisë abdominale
Jam e fascionuar me rregullin, pastërtinë e profesionalizmin e gjithë stafit në repartin e kirurgjisë abdominale në QKUK.
Ndjej për borxh moral t’i falënderoj të gjithë dhe pa dallim. Duke filluar nga stafi i sigurimit, mirëmbajtësve të repartit (që vjen insoni në QKUK e sheh mirëmbajtësin duke e pastruar dhomën tri herë në ditë, unë veç aty pash) e deri tek stafi i mjekëve dhe infermierëve për kujdesin e tyre të treguar ndaj neve pacientëve që ishim të shtrirë në këtë repart.
E them botërisht; ndjehem shumë mirë kur përgjatë 8 ditëve sa qëndrova aty, unë pash të kundërtën e asaj që qytetarët e këtij vendi janë mësuar ta dëgjojnë për QKUK-në nga jashtë.
Po dhe po!
Unë aty gjeta profesionalizëm e kujdes prindëror ndaj të gjithë pacientëve.
Këtë e përjetova sidomos pas ndërhyrjes së suksesshme kirurgjikale që më bënë.
Falënderoj nga zemra Dr. Naser Plakolli dhe Dr. Astrit Hamza , dy personalitete me vlera të larta profesionale e njerëzore.
Natyrisht, duke mos harruar edhe shefin e repartit Dr. Afrim Tahiri, si dhe Dr. Lulëzim Salihun dhe Dr. Arben Halitin.
Të mrekullueshme e të palodhshme, që nga goja nxirrnin mjaltë ishin infermieret në krye me Safete Rexhën. Nebahate Sedreni zonjë që të lë pa fjalë e tek e cila pashë gjithë atë që do të dëshiroja të shihja tek secila grua; edukatë, punë e përkushtim.
Pastaj, Bahtie Dardani me përvojë të gjatë dhe cila kishte një sens të veçantë humori që pasqyronte vetëbesim personaliteti dhe zotërim profesioni në mënyrë shembullore.
Si mos t’i përmendi e t’i falënderoj edhe Razijen, Remzije Sejdiun, Marigona Berishën dhe Emine Hajra
O Zot, çfarë përshtypje të mira më kanë lënë!
Dhe, jo rastësisht sikur qershia mbi tortë e lash për fund ta përmendi e ta falënderoj nga thellësia e zemrës sime edhe Myzafere Hajrizin. Kurrë nuk do t’ia harroj të mirën që ma bënte teksa më motivonte për vullnet para se të hyja në sallë të operacionit. Ishin momente jo të lehta kur unë, sikur të gjithë, kisha nevojë për mbështetje dhe motivim.
Ju të gjithë së bashku, paqi shëndetin, rehatinë e suksese në punën tuaj!
U gëzofshi përjetë me familjet tuaja siç më bëtë mua të dalë e gëzuar nga reparti juaj!
Do të ju jam mirënjohëse dhe falënderuese sa të jam gjallë!/Gazeta Mejdani/
