Një kullë e lartë në Dubai u përfshi nga flakët mëngjesin e ditës së sotme.
Lajmin e bënë të ditur mediat e huaja, sipas të cilave, zjarri i madh ra në qiellgërvishten 8 në Boulevard Walk, e cila është pjesë e grupit Emaar.
Ndërtesa ndodhej pranë ndërtesës më të lartë në botë, Burj Khalifa. Forca të shumta zjarrfikëse mbërritën në vendin e ngjarjes dhe bënë të mundur shuarjen e flakëve.
Siç duket në videon e shpërndarë, flakët janë përhapur në të gjithë ndërtesën ndërsa tymi ‘pushtoi’ zonën.
Ndërkohë policia po punon për zbardhjen e plotë të rrethanave të ngjarjes, teksa ende nuk dihet se çfarë e shkaktoi zjarrin në ndërtesë.
