A jeni duke e vërejtur një fenomen të çuditshëm: Kina është superfuqi botërore. Me ekonominë e saj ajo po e sfidon SHBA-në, Evropën dhe gjithë botën. S’ka vend në hapësirë ku nuk ka dërguar satelitë e anije kozmike. Poshtë në tokë, s’ka vend ku nuk flitet e ku nuk përmendet emri i Kinës. S’ka shtëpi në botë ku nuk gjendet së paku një apo dy produkte kineze.
Shkruan: Mustafa Bajrami
Në anën tjetër, njëfar virusi i vogël, një koronavirus mikroskopik e ka que tërë Kinën në këmbë. Mbi 1 miliard njerëz jetojnë me maska në gojë, nuk dalin lirshëm, nuk bisedojnë me njëri tjetrin, nuk shkojnë në punë lirshëm, fëmijët i kanë ndalë nga shkolla, ndërsa të vdekurit nuk i varrosin, por i djegin aty për aty ku kanë vdekur. Kina po përjeton një ankth të paparë. Kina, kjo superfuqi botërore është duke u ballafaquar me jetën, është në luftë me një virus që zor se shihet me mikroskop. Po, kaq i vogël është koronavirusi, mirëpo kaq shumë fuqi ka ai, sa e trishtoi një Kinë të tërë.
Dua ta bëjë një krahasim këtu. Ndoshta për momentin i pavend, por është mësim për gjithë njerëzimin. Dhe, duke u bazuar në libra të historisë së fesë, këtu dua ta përmendi Nemrudin. Atë Nemrudin të cilin atëbotë konsiderohej i pathyeshëm dhe i pavdekshëm.
Dikur Nemrudi ishte mbreti i superfuqisë botërore të atëhershme. Çdo gjë që e donte e përvetësonte, dhe çdo kend që e urrente, e likuidonte. Dhe, po ky Nemrud, një ditë e mbyti vetveten në mënyrën më mizore. Ai e humbi betejën me një krijesë aq e vogël që ishte. Vdiç duke e goditur murin me kokë, sepse nuk mund ta përballonte ushtimën e një mize të vogël që i kishte hy në vesh. Dhe në atë gjendje kishte vdekur Nemrudi i asaj kohe.
Jeta pra qenka e çuditshme. Dhe interesante. Sado i fortë e i fuqishëm që je, po mujka me ndodhë që një mizë a një virus mikroskopik të të gjunjëzojë e të të poshtërojë deri në këto përmasa…!
Zoti na ruajtë prej provimeve të rënda, që s’mund t’i përballojmë!
