Si reagim i qëndrimit zyrtar dhe të vendosur të Ministrisë së Punëve të Jashtme të Kosovës, Meliza Haradinaj – Stublla, i deleguari special i BE-së për dialogun me Serbinë i ka dërguar letër zyrtare kryeministrit Avdullah Hoti në shenjë proteste për moslejimin e vizitës së presidentit të Serbisë Aleksandar Vuqiq, në Kosovë.
IndeksOnline ka siguruar letrën e Miroslav Lajçakut, e cila ka arritur në adresë të kryeministrit të Kosovës.
“Siç përcaktohet në Marrëveshjen e lirisë së lëvizjes, individët e secilës palë janë në gjendje të udhëtojnë lirisht në territorin e tjetrit. Rregullat specifike zbatohen për personat e secilës palë që mbajnë funksione publike, siç përcaktohet në Marrëveshjet për vizitat ayrtare. Marrëveshjet për vizitat zyrtare dhe amendamenti i tyre që është një pjesë integrale e kësaj marrëveshjeje sigurojnë trajtimin dhe ekzekutimin e rregullt të vizitave zyrtare. Këto rregulla, së bashku me Marrëveshjen për lirinë e lëvizjes kanë rezultuar shumë të dobishme dhe ato përbëjnë një arritje në punën midis jush dhe Beogradit, e cila duhet të ruhet”, thuhet në letrën e Lajçakut dërguar Hotit.
Lajçaku në letër ia ka kujtuar Hotit se të dy marrëveshjet (Liria e lëvizjes dhe vizitat), në tërësinë e tyre, përfaqësojnë angazhimet e dialogut që duhet të respektohen si nga Kosova, ashtu edhe nga Serbia.
“Mosrespektimi i këtyre marrëveshjeve dërgon një sinjal shumë negativ për besueshmërinë e Kosovës si palë në procesin e dialogut. Për më tepër, shkelje të tilla dëmtojnë përpjekjet për të normalizuar marrëdhëniet midis palëve dhe përshkallëzimin e tensioneve në terren. Kjo në veçanti ka ndikim në diskutimet e vazhdueshme mbi Marrëveshjen e ardhshme gjithëpërfshirëse”, thuhet ndër të tjera në letër.
Prandaj, Lajçaku thotë se mbështetja e Hotit në cilësinë si kryeministër është thelbësore për të siguruar që institucionet e Kosovës të vazhdojnë të respektojnë zotimet e tyre për dialogun; BE-ja pret që Kosova të vazhdojë të angazhohet në arritjen e normalizimit gjithëpërfshirës me Serbinë; kjo përfshin respektimin dhe zbatimin e të gjitha marrëveshjeve të arritura në dialog deri tani.
IndeksOnline ka siguruar letrën dhe e sjellë si më poshtë:
