Ministri i Punëve të Jashtme të Shqipërisë, Gent Cakaj pas takimit me Ministrin e Punëve të Jashtme të Kosovës, Glauk Konjufca kanë mbajtur një konferencë për media ku ka njoftuar për dy marrëveshje të rëndësishme për Kosovën.
Në këtë konferëncë Cakaj ka shpalosur dy propozimet e Shqipërisë për t’i ndihmuar Kosovës në avancimin e politikave të jashtme.
Sipas Cakajt në propozimin e marrëveshjes së parë ka treguar se pret shumë shpejt që këto dy ministri të mbledhen për të firmosur një marrëveshje për ndarje të detyrave.
“Marrëveshja e parë është që të mblidhemi shumë shpejtë të firmosim një marrëveshje për ndarje të shpenzimeve dhe detyrave në një fushatë për lotimin e njohjeje së Kosovës. Republika e Shqipërisë është e gatshme ta firmosë këtë marrëveshje një orë më parë. Ne kemi qenë zëri i Republikës së Kosovës, prej asamblesë së përgjithshme e deri në qarqe të ndryshme të BE-së”, ka thënë Cakaj.
Ndërsa sipas ministrit Cakaj, marrëveshja e dytë të cilën i ka propozuar ministrit Konjufca është ndihma në procesion e screening.
“Marrëveshja e dytë të cilën i kam propozuar zotëri Konjufca është marrëveshja për transmetimin e përvojave në procesin e screening, duke pas parasysh që Shqipëria qëndron në një stad më lartë se Kosova, sa i përket integrimin evropian pasi që Shqipëria është më parapara në çeljen e negociatave. Duke pasur Shqipëria këtë përvojë shpreh gatishmërinë që ta transmetojë tek Republika e Kosovës në mënyrë që të rrit kapacitetet vepruese”, ka treguar Cakaj.
Gent Cakaj është duke qëndruar në Kosovë për një vizitë zyrtare ku pas takimit me ministrin Konjufca atë e pret, presidenti i vendit, Hashim Thaçi. /Gazeta Mejdani/
