Ministria e Infrastrukturës ka obliguar Komunën e Prishtinës të anulojë vendimin për kushtet ndërtimore për rastin e lagjes në afërsi të liqenit të Badocit.
Këtë e ka bërë të ditur vet ministri i Infrastrukturës, Lumir Abdixhiku.
Ai është shprehur se këtë thirrje ndaj komunës së Prishtinës e ka bërë duke u thirrur në Ligjin për Ujrat e Kosovës dhe në Vendimin e Qeverisë për zonat e mbrojtura në Liqenin e Badocit.
Më tutje, ai është shprehur se qeveria është përkushtuar t’i mbrojë resurset e vendit.
Ky është postimi i Abdixhikut:
Duke u thirrur në Ligjin për Ujërat e Kosovës, mbështetur në Vendimin e Qeverisë për zonat e mbrojtura në Liqenin e Badovcit, Ministria e Infrastrukturës dhe Ambientit ka obliguar Komunën e Prishtinës që të bëjë anulimin e vendimit për kushtet ndërtimore për rastin e lagjes në afërsi të Badovcit.
Qeveria e Kosovës është e përkushtuar t’i mbrojë resurset natyrore të vendit. Mbi të gjitha, është e interesuar të dëgjojë zërin e padëgjuar të aktivizmit qytetar, që këtë herë ishte përcaktues në ngritjen e alarmit me kohë.
