“Ka ardhur koha për vizionin politik të Albin Kurtit dhe Vjosa Osmanit të cilët po mbështeten nga një shumicë e madhe e qytetarëve të këtij vendi dhe për të mirën tonë të përgjithshme”. Janë këto fjalë shpresëdhënëse të cilat i ka shkruar sot. Dr. Mustafë Bajramit.
Ai në një postim në llogarinë e tij në Facebook ka thënë gjithashtu se ka ardhur koha definitive që kasta e vjetër politike t’i lëshojë rrugë kuadrove të reja në të gjitha partitë politike të vendit.
Sipas tij, Lëvizja Vetëvendosje është fryma që sot e kihë më parë i duhet vendit dhe se ajo është e vetmja që po jep shpresa për në fillim të ri.
Për më tepër, ai ka kritikuar edhe disa qarqe mediatike që po bëjnë çmos ta pengojnë ndryshimin.
Gjithashtu ai ka kritikuar ashpër disa individë të cilët nëpër rrjete sociale po bëjnë avokatin e politikave të vjetëruara ku vazhdimisht përpiqen të përhapin një atmosferë pasigurie në dëm të Vetëvendosjes dhe të frymës së re.
Më poshtë gjeni shkrimin e tij të plotë:
Se mbaj mend të kam qenë ndonjëherë kaq i pa tekst të shkruaj për ndonjë çështje sa tani për zgjedhjet e 14 shkurtit.
E çka të thuhet më tepër për këtë atmosferë të paparë, kaq shumë inspiruese, ku i madh e i vogël e di se fryma e re do të triumfojë dhe se kasta e vjetër politike duhet t’i lëshojë udhë kuadrove të reja në të gjitha partitë politike.
Natyrisht, se ka ardhur koha për ndryshime rrënjësore. Se Lëvizja Vetëvendosje me bashkëmendimtarët e saj duhet të udhëheqin me vendin.
Dmth, se vizioni politik i Albin Kurtit dhe Vjosa Osmanit duhet të mbështetet dhe po mbështeten nga një shumicë e madhe dhe për të mirën tonë të përgjithshme.
Megjithatë, siç e do rendi, më takon ta them së paku vetëm një fjali: Ky realitet i ri i krijuar në Kosovë, më 14 shkurt do të kurorizohet me një fitore shumë më të madhe se sa që flitet e përflitet nëpër disa studio televizive nga ku po bëhen përpjekje për t’ia ndalë hovin kësaj fryme të re që po vjen, si dhe nga disa të tjerë nëpër rrjete sociale që tentojnë t’i frikësojnë qytetarët nëpërmes ‘këshillave’ të tyre mashtruese, herë si intelektualë, herë si patriotë e herë si njerëz kinse e duan vendin më shumë se ne e kinse i frikësohen Zotit. …!
