Kosova do ta hapë ambasadën e saj në Jerusalem të hënën, shkruan mediumi izraelit “Israel Hayom”.
Në lajmin e publikuar shkruan se diplomatë të lartë të të dy vendeve do të marrin pjesë në ceremoninë e hapjes së ambasadës që do të mbahet në qendër të Jerusalemit të hënën, transmeton lajmi.net.
Të enjten, Ministri i Jashtëm Gabi Ashkenazi dhe Kryeministri Çek Andrej Babis ishin të pranishëm ndërsa Republika Çeke pagëzoi një degë të re të ambasadës së saj në kryeqytetin e Izraelit.
Gjithashtu të enjten, Kryeministri Benjamin Netanyahu mbajti një samit me Babis dhe Kryeministrin Hungarez Viktor Orban.
“Israel Hayom” shkruan se shteti i radhës që do të hapë ambasadën e saj në Jerusalem do të jetë Kosova.
Kosova dhe Izraeli vendosën marrëdhënie diplomatike më 1 shkur të këtij viti në një ceremoni virtuale.
Kosova në anën tjetër është zotuar që ambasadën e saj do ta hapë në Jerusalem përkundër kundërshtimeve nga ana e Bashkimit Evropian dhe Turqisë së Erdoganit.
Izraeli është bërë shteti i 117 që e ka njohur Kosovën si shtet të pavarur dhe sovran.
