Kryetarja e Kuvendit të Kosovës i ka çuar në një pauzë 20 minutëshe deputetët ende pa nisur seanca, për shkak të mungesës së deputetëve. Kjo seancë është thirrur nga opozita në lidhje me paralajmërimet e senatorëve amerikanë, David Perdue dhe Rand Paul se SHBA-ja do t’i tërheqë trupat ushtarake nga Kosova në rast se Qeveria nuk e heqë taksën 100 për qind, raporton Zëri.info.
Në seancë aktualisht janë 28 deputetë, prej tyre të pranishëm janë disa deputetë të PDK-së, AAK-së dhe disa tjerë të LDK-së, përderisa deri tani kjo seancë është duke u bojkotuar nga Vetëvendosje.
Paralajmërimet e amerikanëve kryeministri i Kosovës, Albin Kurti nuk i ka marrë shumë seriozisht. Ai deklaroi dje se, nëse Amerika vendosë t’i tërheqë trupat ky vendim nuk ka lidhje me tarifën. Tutje ai shtoi se taksa ndaj mallrave serbe e boshnjake do të zëvendësohet me reciprocitet./Zëri
