Eksperti për çështje të arsimit, Dukagjin Pupovci ka reguar ndaj ‘matematikës’ së Agim Veliut duke e cilësuar si të çuditshme, shkruan Syri.net Kosova.
Sipas Pupovcit, duke bërë krahasime më përqindje Veliu nxjerr përfundimin se LDK ka performuar më mirë në zgjedhjet e vitit 2017 sesa në zgjedhjet e vitit 2019.
“Agim Veliu, me një matematikë të çuditshme vlerëson suksesin e Vjosa Osmanit në këto zgjedhje. Duke bërë krahasime me përqindje nxjerr përfundimin se LDK paskësh performuar më mirë në zgjedhjet e vitit 2017 sesa në zgjedhjet e vitit 2019”, ka shkruar ai.
“Në vitin 2017 LDK, bashkë me AKR-në dhe Alternativën, ka pasur 185,884 vota ose 25.53%, ndërsa këtë herë, e vetme dhe pa u numëruar ende votat me kusht dhe me postë, ka 197,702 vota ose 24.82%. Pra, është e qartë se LDK ka rritje për gati 12,000 vota e cila nuk do të mbetet me kaq. Sa për kurreshtje, edhe në Komunën e Podujevës LDK ka rritje në numër të votave dhe zvogëlim në përqindje – 13,120 vota ose 39.59% në vitin 2017, ndërsa tani 14,721 ose 38.62%. Deri tek zvogëlimi i përqindjeve ka ardhur për shkak të rritjes së partive nga Koalicioni PAN, të cilat në vitin 2017 kanë grumbulluar bashkë 245,627 vota (33.74%), ndërsa këtë herë, të ndara – 300,855 vota (37.8%)”, ka shkruar Pupovci në Facebook.
Discussion about this post