Censusi…Shqiptar
…Musliman
Me rastin e fillimit të censusit 2023, Mexhlis iu bën thirrje të gjithë muslimanëve shqiptarë të jenë vëmendshëm në deklarimin e të dhënave dhe të mos bien pre e propagandes anti-islame të promovuar sistematikisht nga njerëz publike, opinionistë, portale apo media me ideologji ekstremiste islamofobe.
Të gjithë muslimanët shqiptarë duhet të jenë krenar me fenë e pastër dhe te drejtë islame, të cilin Zoti e shpalli tek të gjithë të dërguarit, nga babai i njerzimit Ademi, deri tek i dërguari i fundit Muhamedi (a.s).
Muslimanët shqiptarë duhet të kujtojnë vuajtjet dhe peripecitë që kanë hequr gjyshërit dhe stërgjyshërit e tyre për shkak të këtij identiteti fetar. Për shkak të tij në vitin 1912-13 janë vrarë dhe dëbuar nga trojet shqiptare më shumë se 1 milion shqiptarë.
Po për shkak të këtij identiteti, shqiptarët muslimanë jane dëbuar masivisht nga ish-Jugosllavia, prej vitit 1913 deri në vitet 1970.
Po për shkak të këtij identiteti, u vranë rreth 5000 shqiptarë çam muslimanë në vitin 1946 në Greqi dhe u përzunë pjesa tjetër prej shtëpive të tyre, në gjenocidin çam.
Në të gjithë masakrat qe u bënë ndaj tyre, atyre iu parashtrua që të konvertohen dhe më pas të lejohen të jetojne dhe ti gëzojnë pronat e tyre, por ata nuk e pranuan këtë, për shkak shtrenjtesise që kishte besimi dhe feja e tyre.
Të qenurit shqiptarë është një identiteti i pandryshueshem për shkak te lindjes dhe lidhjes se gjakut, kurse feja është në bazë të bindjes dhe besimit. Të gjithë muslimanët duhet të jenë të vetëdijshem se të qenurit shqiptar nuk është fe, sepse çdo musliman në këtë botë ka edhe kombin e tij përkatës, duke filluar nga Indonezia deri në Bosnje, sikurse e njëjta vlen edhe për të krishterët. Çdo njeri ka kombin me të cilin lind dhe fenë të cilën ia edukojnë familja e tij dhe të cilën ai zgjedh ose jo, ta mbaj.
Faktorët kërcënues të identitetit fetar musliman.
Paraqitja e kombit si fe.
Muslimanët shqiptarë duhet të dinë se të gjithë ata që promovojnë shqiptarizmin si fe, si dhe që përpiqen ti vendosin muslimanët përballë zgjedhjes shqiptar apo musliman, fshehin në mënyrë tinëzare urrejtje për fenë islame. Ky është një sulm që ndodh ndaj fesë që perbën shumicën dërrmuese të shqiptarëve në trojet tona, rreth midis 85 deri 90 %. Kjo është tezë e veçantë e cila përdoret ndaj shqiptarëve, e cila nuk dëgjohet të përdoret ndaj kombeve te tjera. Nuk kemi degjuar të përdoret ndonjëherë italianizmi, gjermanizmi etj si fe, por kemi italiane të krishterë katolik, ose gjermane te krishterë katolik ose protestant.
Një kërcënim tjetër që vjen për censusin janë qarqet ekstremiste brenda muslimanëve. Pasojat e komunizmit të egër në Shqipëri, bënë që të kemi shumë njerëz që e deklarojne veten e tyre muslimanë, megjithëse nuk janë praktikues te fesë, apo nuk e njohin mirë atë. Kundrejt tyre kemi disa rryma ektremistesh brenda muslimanëve që nxitohen ti bëjnë ata jomuslimanë, megjithëse këta njohin për fe te tyre islamin dhe këtë e dëshmojnë me gojët e tyre. Në vend që ti bëjnë njerëzit jomuslimanë, do ishte mirë që ti marrin për dore ti sjellin në xhami dhe tu mësojnë Islamin. Ka raste që këto rryma apo sekte ekstremiste, islamin e kufizojnë deri në atë pikë sa musliman quajnë vetëm atë që është në rrymën apo sektin e tyre.
Këto ideologji, rryma apo sekte përjashtuese, duhen kundërshtuar dhe refuzuar me forcë nga të gjithë besimtarët musliman./mexhlis.com/
