Aktivistja e njohur shqiptare që jeton dhe vepron në Zvicër, Mirishahe Limani Hiler, ka bërë të ditur se dënimet për ata që nuk respektojnë karantinën janë tepër të larta, përcjell Gazeta Mejdani.
Bazuar në atë që shkruan në llogarinë e saj në Facebook, Znj. thotë se kreu i sektorit të menaxhimit të krizës dhe bashkëpunimit ndërkombëtar Patrick Mathys në Zyrën federale të shëndetit publik të Zviceres thekson se gjobat mund të arrijnë në 10,000 franga për ata që nuk respektojnë masën e karantinimit.
Postimi i plotë i Znj. Hiler:
Janë mbi 90 raste të reja Covid-19 në 24 orët e fundit në Zvicer.
👉🏻Kreu i sektorit të menaxhimit të krizës dhe bashkëpunimit ndërkombëtar Patrick Mathys në Zyrën federale të shëndetit publik të Zviceres thekson sërish se gjobat mund të arrijnë në 10,000 franga për ata që nuk respektojnë masën e karantinimit. Konfederata mbështetet në mbrojtjen e qytetarëve. “Rreth 10% e rasteve të koronavirusit janë rezultat i atyre që kthehen nga udhëtime jasht shtetit » shtoi zyrtari Mathys.
👉🏻Zvicra i përmbahet aktualisht këtyre kritereve për t’i futur njerëzit në karantine: ata që vijnë nga një vend më shumë se 60 infeksione të reja për 100,000 banorë në 15 ditët e kaluara, ata që nuk kanë të dhëna të besueshëme të sëmundjes si dhe personat që janë bartës të virusit e që hyjnë në Zvicer të sëmurë siq janë ata që vijnë nga Serbia përcjellë gazeta « 24Heures »./Gazeta Mejdani/
