Nënkryetari i LDK-së, Lutfi Haziri, ka thënë LDK-ja ende nuk ka një kandidat për kryeministër, por nëse do të ishte një kandidat konsensual ai do të ishte kryetari Isa Mustafa.
“LDK është çelësi i suksesit dhe mirëqenies dhe çelësi i zgjidhjes në Kosovë. Në mundohemi me qenë suksesi dhe zgjidhja e problemeve në Kosovë. Ju siguroj se LDK ka me qenë konstruktive, racionale dhe solidare që me dhënë një zgjidhej kushtetuese. Fryma kushtetuese është e vetmja rrugë për zgjidhje. Nuk kemi partner të paracaktuam dhe as të paragjykuar. Mustafa si lider i demokratëve ka mandatin e LDK-së që të negociojë një shumicë parlamentare. Flitet se shumica e re do të jetë LDK, AAK, Nisma dhe AKR dhe minoritet por kjo nuk është fundi i listës. Isa Mustafa ka mandatin të ndërtojë shumicën parlamentare në mënyrë që ti lejojë vendit zgjidhje’’, ka thënë ai.
Haziri ka thënë se emri për kryeministër do të diskutohet në struktura. Emri i pakontestueshëm sipas tij, është Isa Mustafa.
“Emri për kryeministër do të diskutohet në struktura. Emri i pakontestueshëm është Isa Mustafa. Por ai do të vendosë. Ai lejoi Avdullah Hotin dhe Vjosa Osmanin që të kandidonin. Emri i tij është konsensual. Kosovës i duhet një unitet përtej koalicioneve përtej partive politike’’.
Haziri tutje ka thënë se Isa Mustafa i lëshoi rrugën Vjosës për shkak të gjendjes shëndetësore, por kur i lëshoi rrugën Avdullah hotit ishte i shëndoshë.
“Ai e udhëheqë partinë më të madhe në Kosovë. Nuk është pozicion i lehtë por ne i besojmë atij. Ai i lëshoi rrugën Vjosës për shkak të gjendjes shëndetësore, por kur i lëshoi rrugën Avdullah hotit ishte i shëndoshë si molla. Ai është njeriu më i aftë për të udhëhequr. Ne funksionojmë me meritokraci. Jo sikur Albin Kurti që emëron e punëson shokët dhe familjarët e tij’’, shtoi ai.
